YouTube վիդեոհոսթինգը մտադիր է մոտակա ամիսներին ԱՄՆ-ի տարածքում գործարկել YouTube TV առցանց-հեռուստատեսության ծառայություն, հայտնում է The Verge-ը՝ վկայակոչելով YouTube-ի ղեկավար Սյուզան Վոջիսկիին։

Նոր ծառայության օգնությամբ վիդեոհոսթինգի օգտատերերը կարող են միանալ ԱՄՆ-ի հիմնական հեռուստատեսային ցանցերին՝ Fox, ABC, NBC և CBS։
Ընդհանուր առմամբ՝ YouTube TV-ն կհեռարձակի մոտ 40 ալիք, ներառյալ՝ տարբեր տեղական ալիքներ։

Հաղորդվում է, որ 6 օգտահաշվի բաժանորդագրությունը կարժենա 35 դոլար։ Ընդ որում՝ բաժանորդները մատչում կստանան YouTube Red-ին՝ վճարային ծառայության, որը YouTube-ն առաջարկում է առանց գովազդի։