Մուտք
Invalid username or password
Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում
Վերադարձ լուրերի բաժին
10:46 , 22 Օգոստոս 2019
Դիտումներ501
Ucom ընկերության առաջին կորպորատիվ պարտատոմսերը թույլատրվել են առևտրի AMX Հայաստանի ֆոնդային բորսայում։ Այժմ դրանք հասանելի են բոլոր ցանկացողների համար, ովքեր չէին հասցրել պարտատոմսերը ձեռք բերել տեղաբաշխման ընթացքում: 2019թ. օգոստոսի 16-ին Ucom ընկերությունն իրականացրել է դոլարային և դրամային պարտատոմսերի արժեկտրոնների առաջին վճարումները:
«Ուրախությամբ հայտնում եմ, որ ներդրողներն արդեն իսկ կարող են մարման ժամկետից շուտ վաճառել իրենց պարտատոմսերը կամ դրանց մի մասը։ Իսկ մեր վստահելի գործընկերոջը՝ «Արմենբրոկ» ներդրումային ընկերությանը, շնորհվել է շուկա ստեղծողի (market maker-ի) կարգավիճակ», – նշել է Ucom ընկերության համահիմնադիր և գլխավոր տնօրեն Հայկ Եսայանը։
«Այսպիսով ավարտին հասցրեցինք տեղաբաշխման գործընթացի հետ կապված վերջին փուլը: Պարտատոմսերն արդեն հասանելի են ֆոնդային բորսայում, և մենք վստահ ենք, որ դրանք դառնալու են ամենաակտիվ շրջանառվող գործիքներից մեկը», – ասել է «Արմենբրոկ» ներդրումային ընկերության տնօրեն Արամ Կայֆաջյանը։ Ֆոնդային բորսայում շրջանառվում են 5 մլն ԱՄՆ դոլար և 250 մլն ՀՀ դրամ ընդհանուր անվանական ծավալով պարտատոմսեր։
«Գովելի է, որ ընկերությունները հանրությունից վարկային միջոցներ ներգրավելու խիզախություն ունեն, ինչը վկայում է իրենց վստահության մասին։ Եվ կրկնակի գովելի է, որ հանրությունն սկսում է վստահել բիզնեսին ու ավելի շատ ներդրումներ անել արժեթղթերի մեջ։ Այսպիսով, արձանագրում ենք շատ դրական դինամիկա՝ թողարկողների, ներդրողների ու ծավալների աճ», – ասել է Հայաստանի ֆոնդային բորսայի գլխավոր տնօրեն Հայկ Եգանյանը։
Դիտումներ 501
ԱՄԵՆԱԿԱՐԴԱՑՎԱԾ ԼՈՒՐԵՐ
Նախկին փոխվարչապետն առաջարկել է ֆինանսական աջակցության չորս ուղղություն
Վաչե Գաբրիելյանի ներկայացրած առաջարկներն առնչվում են կոմունալ ծախսերին, ՓՄՁ և որոշ դեպքերում՝ խոշոր ձեռնարկություններին, բանկային համակարգին և գյուղատնտեսությանը:
Արտարժութային ռիսկերի հետ կապված գնաճային այն միտումները կզսպվեն ներկրողներին տրվող արտոնյալ վարկային ծրագրերով
Վարչապետ Փաշինյանը մի քանի ժամ ուղիղի եթերում պատասխանել է քաղաքացիների հարցերին:
Կապիտալ ծրագրերի իրականացման գործընթացը լինելու է վարչապետի ուշադրության կենտրոնում
Վեդու ջրամբարի ծրագիրն ընթանում է ըստ նախատեսված ժամանակացույցի:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։