Մուտք

Invalid username or password

Մոռացե՞լ եք գաղտնաբառը

Toshiba-ի ղեկավարը հրաժարական է ներկայացրել բազմամիլիարդ վնասների պատճառով

Վերադարձ լուրերի բաժին

Հեղինակ

B4B.am

Խորագրեր

Աշխարհ

20:02 , 14 Փետրվար 2017

Ճապոնական Toshiba կորպորացիայի տնօրենների խորհրդի նախագահ Սիգենորի Սիգան հայտարարել է հրաժարական ներկայացնելու մասին՝ կապված ընկերության հերթական բազմամիլիարդ վնասների հետ, որոնք առաջացել են ԱՄՆ-ում ատոմակայանների շինարարության ոլորտում խնդիրների հետևանքով։

Սպասվում էր, որ փետրվարի 14-ին Toshiba-ն կհրապարակի իր վնասների չափն ու կճշտի, թե ինչ վնաս է հասցրել իրեն ամերիկյան Westinghouse Electric ստորաբաժանումը։
Սակայն ընկերությունը վերջին պահին խնդրել է հետաձգել զեկույցի հրապարակումը։ Ըստ BBC-ի տվյալների՝ դա կապված է այն բանի հետ, որ ընկերությունը չի կարողացել պայմանավորվել աուդիտորների հետ ընկերության ակտիվների արժեքի դուրսգրման չափի վերաբերյալ։

Սիգայի հրաժարականից հետո ընկերությունը բացահայտել է ֆինանսական տարվա համար վնասների մոտավոր չափը, որը ավարտվում է մարտի 31-ին։ Ենթադրվում է, որ վնասը կկազմի մոտ 3.44 մլրդ դոլար։

Westinghouse Electric-ի խնդիրների մասին վաղուց էր հայտնի։ Անցած տարվա դեկտեմբերին Toshiba-ն խոստովանել էր Westinghouse Electric-ի ակտիվների արժեքը դուրս գրելու անհրաժեշտությունը, ինչից հետո ճապոնական ընկերության բաժնետոմսերի արժեքը փլուզվել էր։
Խնդիրները Toshiba-ի մոտ սկսեցին ծագել դեռևս 2011թ. մարտին՝ կապված Ճապոնիայում ԱԷԿ-ներ կառուցելու շինարարությունից հրաժարվելու և արտերկրում պատվերների թվի նվազման հետ։

Ճգնաժամը խորացավ նաև այն բանից հետո, երբ 2015թ. Westinghouse Electric-ը, որը զբաղվում է ԱՄՆ-ում ԱԷԿ-ների շինարարությամբ և սպասարկմամբ, ձեռք բերեց նույն ոլորտում գործող ամերիկյան CB&I Stone&Webster ընկերությունը։

Կորուստները փոխհատուցելու համար ընկերությունը որոշել է վաճառել միկրոչիպերի արտադրության իրենց բիզնեսը։
Կորպորացիան մտադիր է ֆինանսական աջակցություն խնդրել նաև պետությանը պատկանող Ճապոնիայի Զարգացման բանկից։

ԱՄԵՆԱԿԱՐԴԱՑՎԱԾ ԼՈՒՐԵՐ

Դարաշրջանի ավարտը Google-ի համար

Google-ի հիմնադիրներ Սերգեյ Բրինը և Լարի Փեյջը հեռանում են Alphabet ընկերության ղեկավար պաշտոններից:

ԳԾԱՊԱՏԿԵՐՆԵՐ: ՀՀ արտաքին առևտուրը 2019 թ. առաջին կիսամյակին

ՀՀ ԿԲ կիսամյակային հաշվետվությունը ՀՀ ֆինանսական կայունության մասին զեկույցում նշվում է, որ ներմուծման և արտահանման նման զարգացումների պարագայում բարելավվել է առևտրային հաշվեկշիռը՝ կազմելով ՀՆԱ 20.2 %-ը (30.06.2018 թ.` 22.0%-ը):

Ֆիթչի կանխատեսման լուսաբանման հակառակ կողմը կամ ինչ չասվեց հայկական լրատվամիջոցներում

Հայաստանի տնտեսական զարգացման վերաբերյալ Ամերիկյան վարկանշային կազմակերպության կանխատեսման մեջ կարևոր մի նախապայման անտեսվել է Հայաստանի ԶԼՄ-ներում: