Մուտք

Invalid username or password

Մոռացե՞լ եք գաղտնաբառը

Telcell-ը էլեկտրոնային փող թողարկելու թույլտվություն է ստացել

Վերադարձ լուրերի բաժին

14:22 , 24 Փետրվար 2016

ԿԲ խորհրդի որոշմամբ «ԹԵԼ-ՍԵԼ» ՓԲԸ վճարահաշվարկային կազմակերպությանը տրամադրվել է էլեկտրոնային փող թողարկելու թույլտվություն: Այս մասին տեղեկացնում է ՀՀ Կենտրոնական բանկի հասարակայնության հետ կապերի ծառայությունը։

Ընկերությունն իր հերթին տեղեկացնում է, որ Առէկսիմբանկ-Գազպրոմբանկի խմբի հաճախորդներն այսուհետ հնարավորություն ունեն Telcell® վճարային համակարգի ինքնասպասարկման տերմինալների և ստացիոնար մասնաճյուղերի միջոցով իրականացնել քարտային, ընթացիկ հաշիվների համալրում, ինչպես նաև վարկերի մարում:

Իրականացված տեխնիկական ինտեգրումը Բանկի հաճախորդներին հնարավորություն է տալիս օգտվել Telcell® վճարային համակարգի ինքնասպասարկման առավելություններից’ կատարելով գործարքներ ցանկացած վայրից, որտեղ տեղադրված է վճարային տերմինալ, շաբաթվա բոլոր օրերին և առանց ժամային սահմանափակման:
Առէկսիմբանկը մշտապես կիրառում է բանկային ծառայությունների զարգացման հաճախորդամետ և նորարար մեթոդներ: Telcell ընկերության հետ համագործակցությունը ևս մի քայլ է այդ ուղղությամբ: Telcell® վճարային տերմինալը հանդիսանում է դրամական միջոցների ընդունման ավտոմատացված սարք, որը կարող է հանդիսանալ որպես ծախսատար դրամարկղային հանգույցների և կանխիկի ընդունման հնարավորությամբ բանկոմատների այլընտրանքային տարբերակ:

«Մանրածախ բանկային ծառայությունների շուկան հանգեցնում է բանկերի մասնաճյուղերի աշխատանքի ծանրաբեռնվածության ավելացմանը: Մենք վստահ ենք, որ Առէկսիմբանկի հաճախորդները կգնահատեն մեր ընկերության տերմինալների միջոցով գործարքների իրականացման պարզությունն ու հարմարավետությունը, իսկ բանկը, ի դեմս մեզ, ձեռք կբերի դրամական միջոցների ընդունման ամբողջովին ավտոմատացված համակարգ»,- նշեց «Թել-Սել» ՓԲԸ բիզնեսի զարգացման վարչության պետ Արթուր Խաչատուրյանը` մեկնաբանելով Առէկսիմբանկի հետ համագործակցության սկիզբը:

ԱՄԵՆԱԿԱՐԴԱՑՎԱԾ ԼՈՒՐԵՐ

Տնտեսական ակտիվության աճն արագացել է՝ 7%

2017 թվականի հունվար-հոկտեմբերին՝ նախորդ տարվա նույն ժամանակահատվածի համեմատ, ՀՀ տնտեսական ակտիվությունն աճել է 7%-ով

ՀՀ կենսաթոշակային ֆոնդերի հետաքրքրությունը պետական պարտատոմսերի նկատմամբ թուլացել է

ՀՀ կենսաթոշակային ֆոնդերի ակտիվների 34%-ը արտարժութային են

Սպառողական զամբյուղ. ինչ արժե «յոլա գնալը»՝ 2017 թվականի 3-րդ եռամսյակի միջին գներով

Ազգային վիճակագրական ծառայության պնդմամբ՝ սպառողական զամբյուղն էժանացել է