Հարավկորեական Samsung ընկերությունից հեռացել են թոփ-մենեջերները։ Պատճառը երկրում կոռուպցիոն սկանդալն է, որը հանգեցրել է երկրի նախագահ Պան Կին Հեի իմփիչմենթին, հայտնում է BBC-ն։

Դատախազությունը խոստացել է մեղադրանքներ առաջադրել ընկերության փաստացի ղեկավար Լի Ժչե Ենին ու ևս 4 թոփ-մենեջերների, ինչից հետո իրենց պաշտոններից հեռացել է վերոնշյալ 4 մենեջերներից երեքը։

Նշենք, որ Լի Ժչե Ենը կալանավորվել է փետրվարի կեսին, սակայն պահպանում է իր պաշտոնը։ Հաղորդվում է նաև, որ Samsung-ը հայտարարել է ընկերության վերակազմավորման մասին, որի շրջանակում արդեն ձևափոխվել է ապագայի ռազմավարության գրասենյակը։

Այդ գրասենյակի աշխատակիցները մեղադրվում են հարավկորեացի պաշտոնյաներին կաշառելու մեջ։