Մուտք

Invalid username or password

Մոռացե՞լ եք գաղտնաբառը

«ProWine China»-ն հայկական խմիչքների համար կարող է դառնալ չինական շուկա մուտք գործելու դարպասը

Վերադարձ լուրերի բաժին

14:23 , 14 Նոյեմբեր 2017

Հայկական ալկոհոլային խմիչքները միասնական ազգային տաղավարով ներկայացվել են «ProWine China 2017» գինիների և ալկոհոլային խմիչքների միջազգային ամենամյա ցուցահանդեսին:

Կազմակերպիչները հույս ունեն, որ մասնակցության արդյունքում հայ արտադրողները գործարար կապեր հաստատելու և իրացման նոր շուկաներ գտնելու հնարավորություններ կունենան: Թեմայի շուրջ «Արմենպրես»-ը զրուցել է Չինաստանի Ժողովրդական Հանրապետությունում ՀՀ առևտրային ներկայացուցիչ Հրանտ Աբաջյանի հետ:

Հայաստանն ինչպե՞ս է ներկայացված «Prօwine China 2017»-ին: Քանի ընկերություն է ներկայացված:

-Չինաստանի Շանհայ քաղաքում նոյեմբերի 14-ին մեկնարկել է «ProWine China 2017» գինիների և ալկոհոլային խմիչքների միջազգային ամենամյա ցուցահանդեսը: Ցանկանում եմ ընդգծել, որ այս տարի առաջին անգամ Հայաստանը ներկայանում է ProWine-ում միասնական ազգային տաղավարով: Առաջիկա երեք օրերի ընթացքում 14.11.2017 «ProWine China»-ն հայկական խմիչքների համար կարող է դառնալ չինական շուկա մուտք գործելու դարպասը։ Առաջիկ 3 օրերի ընթացքում հայկական 13 ընկերություններ իրենց ալկոհոլային արտադրանքը կներկայացնեն այս հեղինակավոր ցուցահանդեսի այցելուներին:

prowine2

Ովքե՞ր են զբաղվել նախապատրաստական աշխատանքներով, ո՞ւմ ջանքերով է կայացել ցուցահանդեսին Հայաստանի մասնակցությունը:

-Ցուցահանդեսին Հայաստանի մասնակցության կազմակերպչական աշխատանքները պետական աջակցության ծրագրերի շրջանակներում կատարվել են Հայաստանի խաղողագործության և գինեգործության հիմնադրամի և Հայաստանի զարգացման հիմնադրամի կողմից: Հիմնադրամների խնդրանքով, Հայաստանի ցուցահանդեսին մասնակցությունը հնարավորինս արդյունավետ դարձնելու նպատակով ՉԺՀ-ում ՀՀ դեսպանությունը և ՉԺՀ-ում ՀՀ առևտրային ներկայացուցիչը ցուցաբերել են անհրաժեշտ աջակցություն հայկական տաղավար այցելուներ ներգրավելու, ցուցահանդեսին Հայաստանի մասնակցության մասին տեղեկատվությունը համապատասխան գործարար շրջանակներին փոխանցելու, չինարենի թարգմանիչներ տրամադրելու և այլնի հարցում:

Ինչո՞ւ ընտրվեց հենց այս ցուցահանդեսը, մասնակիցների ի՞նչ շրջանակ է այն ապահովում:

-«ProWine China»-ն չինական շուկայում գործող գինիների և ալկոհոլային խմիչքների առաջատար միջազգային ցուցահանդեսն է: Այն շատ արդյունավետ հարթակ է միջազգային արտադրողների և տեղական մատակարարների համար՝ հնարավորություններ ընձեռելով վերջիններիս ներկայացնելու իրենց արտադրանքը, ծանոթանալու չինական շուկային և հաստատելու գործարար կապեր: Նշեմ, որ նախորդ տարի այս ցուցահանդեսին մասնակցել են շուրջ 650 արտադրող 37 երկրներից: Իսկ այցելուների թիվը՝ բաղկացած ալկոհոլային խմիչքներ ներկրողներից, մատակարարներից, վաճառքով զբաղվողներից գերազանցել է 12000-ը:

prowine3

Հայկական ալկոհոլային խմիչքների համար ի՞նչ հնարավորություններ կստեղծի այս ցուցահանդեսին մասնակցությունը:

-«ProWine China»-ն հայկական ալկոհոլային խմիչքների համար կարող է դառնալ չինական շուկա մուտք գործելու դարպասը: Այս և նմանատիպ այլ ցուցահանդեսներին Հայաստանի շարունակական մասնակցությունը կբարձրացնի չինական շուկայում հայկական գինու, կոնյակի և այլ ալկոհոլային խմիչքների ճանաչելիությունը՝ այդպիսով խթանելով հայկական ալկոհոլային արտադրանքի առաջխաղացումը չինական՝ աշխարհում ամենաարագ տեմպերով զարգացող շուկայում: Վստահ եմ, որ մեր հայկական արտադրանքն այստեղ իրացվելու լուրջ ներուժ ունի:

ԱՄԵՆԱԿԱՐԴԱՑՎԱԾ ԼՈՒՐԵՐ

Սպառողական զամբյուղ. ինչ արժե «յոլա գնալը»՝ 2017 թվականի 3-րդ եռամսյակի միջին գներով

Ազգային վիճակագրական ծառայության պնդմամբ՝ սպառողական զամբյուղն էժանացել է

Ամենից շատ ամուսնալուծվում են Լոռու մարզում, ամենից քիչ՝ Տավուշում և Կոտայքում

2016 թվականին Հայաստանում գրանցվել է 16294 ամուսնություն, 3648 ամուսնալուծություն

Վիճակագրական «միջադեպի» հետքերով. ինչու է տարբերվում ներմուծման տվյալը

ՀՀ վարչապետի հետ հանդիպման ժամանակ Մեդվեդևը չհամաձայնեց Կարեն Կարապետյանի հնչեցրած թվի հետ։