Մուտք

Invalid username or password

Մոռացե՞լ եք գաղտնաբառը

Private Banking. լավագույն բանկերը՝ ռուս միլիոնատերերի համար

Վերադարձ լուրերի բաժին

Հեղինակ

B4B.am

Խորագրեր

Դայջեսթ

17:54 , 29 Օգոստոս 2016

Private Banking. այս արտահայտությունը աստիճանաբար սկսել է ներխուժել նաև մեր իրականություն։ Ի՞նչ է այն նշանակում։ Ընդհանուր սահմանման համաձայն՝ Private Banking-ը ֆինանսական ծառայությունների համալիր է, որը բանկերը մատուցում են VIP հաճախորդներին։ Դա ենթադրում է որոշակի գործառնություններ՝ ունևոր հաճախորդների գումարներով, որոնց նպատակն է պահպանել և ավելացնել հաճախորդի կարողությունը։ Private Banking-ը բանկային ծառայության առանձին տեսակ է, որն արտերկրում անվանում են նաև Wealth Management` հարստության կառավարում։

Private Banking-ից օգտվելու համար, սովորաբար, սահմանվում է որոշակի շեմ։ Այսինքն՝ հաճախորդը պետք է ներդնի որոշակի մեծությամբ ավանդ, որպեսզի կարողանա օգտվել ծառայությունից։ Այդ նվազագույն շեմը կարող է տատանվել մի քանի տասնյակ հազար դոլարից մինչև մի քանի միլիոն դոլար։

Forbes-ը այս տարի առաջին անգամ կազմել է ռուսաստանյան լավագույն բանկերի վարկանիշը, որոնք զբաղվում են Private Banking-ով։

Ուշագրավն այն է, որ առաջին երեք հորիզոնականներում հայտնված բանկերը ուղիղ կամ անուղղակի կերպով գտնվում են պետության վերահսկողության տակ։

Ցանկը գլխավորում է Сбербанк Private Banking-ը։ ՌԴ խոշորագույն պետական բանկն այս ստորաբաժանումը ստեղծել է «Тройка Диалог» և Volksbank International AG ընկերությունները ձեռք բերելուց հետո։ Մուտքային շեմը այստեղ 100 մլն ռուբլի է։

sberbank

Երկրորդ տեղում Газпромбанк Private Banking-ն է, որտեղ նվազագույն շեմը 15 մլն ռուբլի է։ 2015 թվականի արդյունքներով՝ այս ստորաբաժանումն ուներ 5200 հաճախորդ, որոնք ընդհանուր առմամբ բանկին վստահել են 300 մլրդ ռուբլի։

Gazpronbank

Եռյակը եզրափակում է Մոսկվայի Private Banking ВТБ Банк-ը (2017-ի աշնանը անվանումը կդառնա պարզապես Private Banking ВТБ):  Մուտքի նվազագույն շեմը 30 մլն ռուբլի է, ունևոր հաճախորդներից ներգրավված միջոցները՝ 280 մլրդ ռուբլի։

VTB-Private

Private Banking-ով զբաղվող ռուսաստանյան բանկերի վարկանիշային աղյուսակում տեղ են գտել նաև А-Клуб Private Banking (Ալֆա բանկի կառույց), Friedrich Wilhelm Raiffeisen, Citigold Private Client (Սիթիբանկ), UniCredit Private Banking Россия (ՅունիԿրեդիտ բանկ), Открытие Private Banking, ВТБ24 Private Banking (ВТБ24) և Промсвязьбанк Private Banking բանկերը։

Ցանկում ներառված 10 բանկերը միասին ունեն մոտ 40 հազար ունևոր հաճախորդներ, որոնցից յուրաքանչյուրի հաշվի վրա կա 1-5 մլն դոլար։ Այս մարդիկ բանկերին վստահել են ընդհանուր առմամբ 2.5 տրլ ռուբլի։

Նշենք, որ հայաստանյան բանկերից շատերն ունեն VIP հաճախորդներին սպասարկելու պրակտիկա, սակայն private banking` որպես այդպիսին, առանձին ծառայության տեսակ, առաջարկում է UniBank-ը։  «Unibank Privé»-ի հաճախորդ դառնալու նվազագույն շեմը 20 մլն դրամն է (50 հազար դոլար)։

unibank-prive

ԱՄԵՆԱԿԱՐԴԱՑՎԱԾ ԼՈՒՐԵՐ

Բրիտանացի բարձրաստիճան պաշտոնյայի կարծիքը՝ Ամուլսարի հանքը շահագործող «Լիդիանի» մասին. Banks.am

Հայաստանում եւ Վրաստանում Միացյալ Թագավորության առեւտրի եւ ներդրումների հարցերով հանձնակատար, խորհրդարանական Մարկ Փրիթչարդն ասել է, որ Ամուլսարի ոսկու

Audi-ի սրամիտ պատասխանը՝ BMW-ի գովազդին (լուսանկար)

Ֆրանսիա, AUDI-ի սրահի մոտ BMW-ն այսպիսի մի բիլբորդ է տեղադրել ու գրել «Երբեք ուշ չէ փոխել ձեր կարծիքը»։

Գովազդային տեքստերում թվեր գրելու 16 կանոն

Մեծ թվերն ավելի լավ էֆեկտ են տալիս, քան փոքր թվերը։ Օրինակ՝ 1 տարի և 12 ամիս