Մուտք

Invalid username or password

Մոռացե՞լ եք գաղտնաբառը

Omega-ն հատուկ ժամացույց է թողարկում Գարիկ Իսրաելյանի հիմնած Starmus-ի հաղթողների համար (լուսանկարներ)

Վերադարձ լուրերի բաժին

Հեղինակ

B4B.am

Խորագրեր

Դայջեսթ

22:41 , 29 Մայիս 2017

Ժամացույցներ արտադրող հայտնի Omega բրենդը և Starmus գիտական-երաժշտական փառատոնը վերջերս դարձան գործընկերներ։ Այդ համագործակցության շրջանակներում Omega-ն փառատոնի շրջանակներում անցկացվող Սթիվեն Հոքինգի  Science Communication մրցանակաբաշխության և 3 հաղթողներից յուրաքանչյուրին նվիրելու է հատուկ պատրաստված Omega Speedmaster ոսկյա ժամացույց։

omega1

Այս մասին տեղեկացնում է aBlogtoWatch.com կայքը։

Նշենք, որ Starmus փառատոնի հիմնադիրը մեր հայրենակից, ճանաչված աստղաֆիզիկոս, Instituto de Astrofisica de Canarias (IAC)` Կանարյան կղզիների Աստղաֆիզիկայի ինստիտուտի աշխատակից, ֆիզիկամաթեմատիկական գիտությունների դոկտոր Գարիկ Իսրաելյանն է։

Starmus առաջին փառատոնը տեղի է ունեցել 2011 թվականին և անմիջապես ճանաչվել խոշորագույն գիտական, երաժշտական և գեղարվեստական իրադարձություն: Այն նվիրված էր առաջին տիեզերագնաց Յուրի Գագարինի թռիչքի 50-ամյակին: Այդ օրերին աշխարհահռչակ գիտնականները, տիեզերագնացները և երաժիշտներն ամբողջ աշխարհից հավաքվել էին Կանարյան կղզիներում: Փառատոնին ներկաների շարքում էր նաև ամերիկացի լեգենդար տիեզերագնաց Նիլ Արմսթրոնգը (Neil Armstrong):

Starmus-ն այնքան արագ ճանաչվեց, որ հաջորդ տարի՝ երկրորդ փառատոնին մասնակցելու և ելույթ ունենալու խնդրանքով կազմակերպիչներին դիմեց հանրահայտ բրիտանացի ֆիզիկոս-տեսաբան, տիեզերագետ Սթիվեն Հոքինգը (Stephen Hawking):

omega2

Իսկ ի՞նչ կապ ունի Omega ժամագործը գիտության և, մասնավորապես, աստղագիտության հետ։ Շատ անմիջական։ Omega-ի համագործակցությունը NASA-ի հետ սկիզբ է առել դեռ 1962 թվականին։ Լուսնային էքսպեդիցիայի հետ կապված՝ NASA-ն ցանկանում էր ձեռք բերել այնպիսի ժամացույցներ, որոնք կդիմանային Լուսնի վրա ջերմաստիճանի կտրուկ տատանումներին։ Տևական փորձարկումներից հետո ընտրությունը կանգ առավ Rolex, Longines և Omega (Speedmaster) ժամացույցների վրա։

Վերադառնանք, սակայն, Starmus-ին։ Omega-ն փառատոնի հաղթողներին նվիրելու է նույն՝ Speedmaster մակնիշի ժամացույցներ, սակայն հատուկ դիզայնով։ 18 կարատ ոսկի պարունակող այս ժամացույցի դարձերեսին պատկերված է ռուս տիեզերագնաց Ալեքսեյ Լեոնովը և Queen խմբի լեգենդար կիթառահար Բրայան Մեյի կիթառը։

omega3

Ինչո՞ւ հենց Բրայան Մեյի։ Որովհետև, ինչպես պարզվում է, Մեյն աստղաֆիզիկայի դոկտորի գիտական կոչում ունի և մասնակցել է Starmus-ի հիմնադրմանը՝ Գարիկ Իսրաելյանի հետ միասին։  Գարիկ Իսրաելյանը, ի դեպ, Բրայան Մեյի դոկտորական ատենախոսության ղեկավարն է։

ԱՄԵՆԱԿԱՐԴԱՑՎԱԾ ԼՈՒՐԵՐ

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։

Հայաստանը «Սու-30ՍՄ» կործանիչները կստանա ռուսաստանյան ներքին գներով. գործարքն իրականացվել է ՀԱՊԿ-ի շրջանակներում

Հայաստանը և Ռուսաստանը պայմանագիր են կնքել «Սու-30ՍՄ» 4 բազմաֆունկցիոնալ կործանիչ գնելու մասին , որոնք Հայաստանի զինված ուժերը պետք է ստանան 2020 թվականին

Հայաստանը Ռուսաստանից ձեռք է բերել ՍՈՒ–30ՍՄ բազմաթիրախային կործանիչներ. Sputnik Արմենիա

Պաշտպանության նախարար Դավիթ Տոնոյանը դեկտեմբերի 1–ին ռուսաստանցի լրագրողների հետ հանդիպմանը հայտնել էր, որ ինքնաթիռներ ձեռք բերելու գործընթացը մոտ է ավարտին։