Մուտք

Invalid username or password

Մոռացե՞լ եք գաղտնաբառը

Modex խորհրդատվական ընկերության ղեկավարը տնտեսական լրագրողների հետ կիսվեց իր փորձով և գիտելիքներով

Վերադարձ լուրերի բաժին

12:30 , 04 Ապրիլ 2018

Ի՞նչ է, այսպես ասած, Data journalism-ը, տվյալների ի՞նչ բաց աղբյուրներ կան, որոնցից կարող են օգտվել տնտեսական լրագրողները։ Ինչպես աշխատել այդ բազաների հետ, ինչին ուշադրություն դարձնել, վիզուալիզացիայի ինչ գործիքներ կարելի է կիրառել՝ նյութն ավելի տպավորիչ և ընկալելի դարձնելու համար։

Այս ամենի մասին Տնտեսական լրագրողների համար կազմակերպված դասընթացի ընթացքում խոսեց տնտեսագետ, Modex խորհրդատվական ընկերության ղեկավար Հայկազ Ֆանյանը։

Նա նաև խոսեց առանցքային տնտեսական ցուցանիշների մասին՝ բացատրելով դրանց նշանակությունն ու տարբերությունը (ինչ է ՀՆԱ-ն և ինչով է տնտեսական աճը տարբերվում տնտեսական ակտիվության ցուցանիշից և այլն)։ Հայկազ Ֆանյանը կոնկրետ օրինակներով ուշադրություն հրավիրեց հայաստանյան ԶԼՄ-ներում հրապարակված տնտեսական հոդվածներում առավել հաճախ հանդիպող սխալների վրա՝ պարզաբանելով, թե ճիշտ տարբերակը ինչպես պետք է լինի։

Ի դեպ, սեմինարը նախատեսված 1.5 ժամի փոխարեն տևեց մոտ 3 ժամ, քանի որ նյութը և հարցերը բավականին շատ էին

Տեղեկացնենք, որ Modex-ը իր իր առանձին էջն ունի B4B.am-ի հեղինակային բլոգում, որտեղ հրապարակվում են կարճ ու հետաքրքիր վերլուծություններ՝ տարբեր տնտեսական թեմաներով (պանրի շուկա, ծիրանի շուկա, բանկային համակարգ և այլն)։

Հիշեցնենք, որ B4B.am պորտալը՝ ՀՀ Կենտրոնական բանկի հետ համատեղ, կազմակերպել է եռամսյա դասընթաց Հայաստանում գործող տնտեսական լրագրողներին և տնտեսական լրագրությամբ զբաղվել ցանկացող ուսանողների համար։ Դասընթացին ներգրավված են Հայաստանի լավագույն մասնագետները՝ տարբեր ոլորտներից, ինչպես ակադեմիական շրջանակներից, այնպես էլ Կենտրոնական բանկի մասնագետներ, Կառավարության տնտեսական բլոկի պատասխանատուներ, անկախ փորձագետներ և հայտնի գործարարներ։

Ծրագրի գործընկերներն են՝ ՎիվաՍել-ՄՏՍ, Լիդիան Արմենիա և Գազպրոմ Արմենիա ընկերությունները։

ԱՄԵՆԱԿԱՐԴԱՑՎԱԾ ԼՈՒՐԵՐ

«Մեր հարաբերություների պոտենցիալը առևտրի ոլորտում շատ ավելի մեծ է, քան ներկայում այն օգտագործվում է». այաստանում ԵՄ պատվիրակության ղեկավար

«ԵՄ-ն Հայաստանի համար ամենախոշոր, հեռանկարային շուկան է: Մենք, փաստորեն, երկրորդ խոշորագույն ներդրողն ենք Հայաստանում: ԵՄ-ի հետ առևտրի աճը տեսանելի և շոշափելի

Հայաստանում տեղադրվել է արևային գերխոշոր էլեկտրակայան`ձկնաբուծարանի համար

«Կռունկ»-ը 2017 թվականին ՀՀ էներգետիկ ենթակառուցվածքների և բնական պաշարների նախարարության կողմից արտոնագրված 11 արդյունաբերական նշանակության ֆոտովոլտային կայաններից մեկն է

ՎՏԲ Հայաստան Բանկը գործարկել է ինտերնետ էկվայրինգ ծառայություն

Ինտերնետ էկվայրինգի ծառայությունը, բացի այն, որ խնայում է գնորդների ժամանակը և հանդիսանում է հարմարավետ եղանակ՝ գնումներ կատարելու համար, ունի հետևյալ առավելությունները.