Մուտք

Invalid username or password

Մոռացե՞լ եք գաղտնաբառը

Johnson & Johnson-ը 110 միլիոն դոլար փոխհատուցում կվճարի ամերիկուհուն՝ քաղցկեղով հիվանդանալու համար

Վերադարձ լուրերի բաժին

Հեղինակ

B4B.am

Խորագրեր

Աշխարհ

16:23 , 09 Մայիս 2017

ԱՄՆ Միսսուրի նահանգի երդվյալ ատենակալների դատարանը վճռել է 110 միլիոն դոլար փոխհատուցում վճարել մի կնոջ, որը 40 տարի օգտվել է Johnson & Johnson ընկերության միջոցներից և հիվանդացել է ձվարանների քաղցկեղով: Այս մասին հայտնում է The International Business Times պարբերականը:

Տասնամյակներ շարունակ Վիրջինիա նահանգից 62-ամյա Լուիս Սլեմփը օգտագործել է մանկական ցանափոշի՝ տալկով և այդ ընկերության՝ լոգանքի համար միջոցներ:

2012թ. նրա մոտ քաղցկեղ է հայտնաբերվել, որի դեմ նա պայքարում է արդեն 5 տարի: Կինը կարողացել էր ապացուցել երդվյալ ատենակալներին, որ պարբերաբար գնել է Johnson & Johnson-ի լոգանքի միջոցներ, որոնք, ըստ նրա, անորակ լինելու պատճառով հանգեցրել են հիվանդության առաջացման:

Իր հերթին, Johnson & Johnson-ը իր արտադրանքում օգտագործում է Imerys խմբի մեջ մտնող Imerys Talc America ընկերության տալկեր (тальк):

Երդվյալ ատենակալները վճռել են, որ վերջինս նույնպես պետք է փոխհատուցում վճարի Սելմփին՝ 105 մլն դոլար փոխհատուցում:

Այդկերպ, կինը կստանա 215 միլիոն դոլար այն դեպքում, եթե ընկերությունները հաջողությամբ չբողոքարկեն այդ որոշումը:

Անցած տարվա փետրվարին դատարանը պարտադրել էր Johnson & Johnson-ին 72 միլիոն դոլար վճարել Ջեքի Ֆոքսի ընտանիքին, որը մահացել էր քաղցկեղից 62 տարեկան հասակում: Նա պնդել էր, որ իր ողջ կյանքում օգտագործել է ընկերության Baby Powder մանկական ցանափոշի:

Johnson & Johnson-ը հիմնադրվել է 1886թ. Ջոնսոն եղբայրների կողմից:

Ներկայումս հոլդինգի կապիտալը կազմում է ավելի քան 70 միլիարդ դոլար և ունի 125 հազար աշխատակից ողջ աշխարհում:

ԱՄԵՆԱԿԱՐԴԱՑՎԱԾ ԼՈՒՐԵՐ

Որոնք կլինեն աշխարհի 32 խոշորագույն տնտեսությունները՝ 2050 թվականին. PwC

PwC-ն 2050 թվականի վարկանիշը կազմել է՝ համեմատելով երկրների կանխատեսվող ՀՆԱ-ները ըստ գնողունակության պարիտետի

Թուրքիան 2 միլիարդ դոլար Է կորցրել Ռուսաստանին լոլիկի մատակարարումների արգելքից

Թուրքիայի Էկոնոմիկայի նախարար Նիհաթ Զեյբեքչին օգոստոսի 9-ին հայտարարել Է, որ Անկարան հարկադրված կլինի պատասխան միջոցներ ձեռնարկել

Ադրբեջանում բանկային հատվածի շահույթը նվազել է ավելի քան 52 տոկոսով

Ադրբեջանի բանկային հատվածի եկամուտները՝ պայմանավորված նավթի համաշխարհային գների և պահանջարկի անկմամբ, ազգային արժույթի արժեզրկմամբ և երկրում առաջացած ճգնաժամով, զգալիորեն նվազել են