Մուտք

Invalid username or password

Մոռացե՞լ եք գաղտնաբառը

IFC-ի պաշտոնյայի անկեղծ տեսակետը՝ Հայաստանի կառավարության մասին

Վերադարձ լուրերի բաժին

09:20 , 16 Սեպտեմբեր 2017

Լուսանկարը՝ Համաշխարհային բանկի ֆեյսբուքյան էջից

Սեպտեմբերի 11-ին «Մարիոթ» հյուրանոցում անցկացվում էր Հայաստանի և Համաշխարհային  բանկի համագործակցության 25-ամյակին նվիրված ֆորում, որին մասնակցում էին ՀՀ բարձրաստիճան պաշտոնյաներ, Համաշխարհային բանկի և միջազգային այլ կառույցների ներկայացուցիչներ, տնտեսագետներ և այլոք։

Միջոցառման երկրորդ մասը նվիրված էր այն հարցին, թե ինչ է հարկավոր անել՝ տնտեսության մասնավոր հատվածի զարգացման համար։ Այս  քննարկմանը մասնակցող 5 փորձագետների թվում էր նաև Միջազգային ֆինանսական կորպորացիայի (IFC) ավագ մենեջեր Յան Վան Բիլսենը (լուսանկարում՝ աջից առաջինը)։

Խոսելով մասնավոր հատվածի խնդիրների և անելիքների մասին՝ Վան Բիլսենը զուգահեռներ անցկացրեց Հայաստանի և Վրաստանի միջև՝ նշելով, թե Վրաստանում կառավարության և մասնավոր ընկերությունների համագործակցությունը ինչպես է ընթանում, ինչ մեխանիզմներ և ընթացակարգեր են գործում և այլն։

Քննարկմանը մասնակցող Մանուկ Հերգնյանը («E-V Consulting ընկերության տնօրեն) արձագանքեց, որ նույն մեխանիզմները աշխատում են նաև Հայաստանում, և հարցրեց IFC-ի պաշտոնյային՝ այդ դեպքում ո՞րն է պատճառը, որ այնտեղ արդյունք կա, այստեղ՝ ոչ։

«Կարծում եմ պատճառներից մեկն այն է, որ Վրաստանի ղեկավարությունը ավելի շատ է կողմնորոշված դեպի բիզնեսը և ավելի քիչ է ներգրավված բիզնեսի մեջ»,- պատասխանեց Վան Բիլսենը ( անգ.` The Government of Georgia is more business-oriented and less engaged in business):

Ըստ երևույթին, ներկաները չէին սպասում նման պատասխանի, որովհետև դահլիճում ոմանք ցածրաձայն ռեպլիկ թողեցին՝ շատ անկեղծ պատասխան էր։

Վան Բիլսենի պատասխանը միգուցե ինչ-որ տեղ սպասվածից ավելի անկեղծ էր, առանց փակագծերի, սակայն ասել, որ դա անսպասելի էր՝ չի կարելի։ Ի վերջո, նույն Համաշխարհային բանկը (որի մեջ է մտնում IFC-ն) տարբեր ժամանակների իր զեկույցներում մշտապես նշել է, որ Հայաստանի տնտեսական խնդիրների մեջ մեծ դեր է խաղում բիզնեսի և իշխանության սերտաճումը։ Իսկ IFC-ի պաշտոնյայի պատասխանը վկայում է, որ այդ խնդիրը չի լուծվել, ինչը միջազգային կառույցները շատ լավ տեսնում են։

ԱՄԵՆԱԿԱՐԴԱՑՎԱԾ ԼՈՒՐԵՐ

Էներգետիկ ենթակառուցվածքների և բնական պաշարների նախարարը հրաժարականի դիմում է ներկայացրել

«Այո, նախարարը հրաժարականի դիմում է ներկայացրել: Նա շարունակում է աշխատել, այսօր էլ հանդիպում է ունեցել»,- ասել է Վասակ Թարփոշյանը:

ՊԵԿ-ը 26.4 մլրդ դրամով գերակատարել է հարկային մուտքերը. 2017թ. տարեկան ցուցանիշները (գծապատկերներ)

2016 թվականի հունվար-դեկտեմբերի համեմատ ՊԵԿ-ի կողմից հավաքագրված հարկերն ու տուրքերը ավելացել են 78.1 մլրդ դրամով

Կառավարությունը շինարարության ոլորտում այս տարի որոշակի աշխուժություն է ակնկալում

Վարչապետը նշել է, որ պետք է հնարավորինս տեղեկանալ ոլորտում առկա խոչընդոտների մասին և շատ պարզ, հստակ մեխանիզմ ներդնել: