Մուտք

Invalid username or password

Մոռացե՞լ եք գաղտնաբառը

Google-ը Թրամփի պատճառով խնդրում է իր աշխատակիցներին վերադառնալ ԱՄՆ

Վերադարձ լուրերի բաժին

Հեղինակ

B4B.am

Խորագրեր

Աշխարհ

19:01 , 30 Հունվար 2017

Google ինտերնետ ընկերությունը կոչ է արել իր աշխատակիցներին, որոնք գտնվում են ԱՄՆ-ի սահմաններից դուրս, որքան հնարավոր է արագ վերադառնալ հայրենիք, հայտնում են BBC-ի աղբյուրները:

Ընկերությունը մտավախություն ունի, որ նրանք կարող են չհասցնել վերադառնալ մինչ այն պահը, երբ ուժի մեջ կմտնի ԱՄՆ ներգաղթյալների մուտքն արգելող հրամանը, որը նախօրեին ստորագրել էր երկրի նախագահ Դոնալդ Թրամփը:

Ընկերությունում ենթադրում են, որ այդ հրամանագրից կարող է տուժել ընկերության ավելի քան 100 աշխատակից:
Պաշտոնապես Google-ը չի մեկնաբանում աշխատակիցների շուտափույթ վերադարձի անհրաժեշտությն մասին հաղորդագրությունը: Սակայն հաղորդագրության պատճենը հայտնվել է Blooomberg գործակալության տրամադրության ներքո:

«Ցավալի է նայել, թե ինչպես են նախագահի այդ հրամանի հետևանքով մեր գործընկերները կրում անձնական կորուստներ»,- ասվում է ընկերության գլխավոր տնօրեն Սունդար Պիչայիի հաղորդագրության մեջ:

Bloomberg-ի մամուլի ծառայությունից հայտնել են, որ անհանգստացած են Թրամփի այդ հրամանից և այլ առաջարկներից, որոնք սահմանափակումներ են դնում ընկերության աշխատակիցների և նրանց ընտանիքների վրա:

Ընկերությունը նաև մտավախություն ունի, որ նոր հրամանագիրը կարող է խոչընդոտներ ստեղծել այլ երկրներից ԱՄՆ տաղանդավոր մասնագետների ներգրավման համար:
Բազմաթիվ տեխնոլոգիական ընկերություններ լոբբինգ էին կատարում երկիր ներգաղթյալների սահմանափակումների մեղմացման օգտին:

ԱՄՆ նախագահ Թրամփը հունվարի 27-ին ստորագրել է հրամանագիր, որը 120 օրով դադարեցնում է փախստականների ընդունումը Միացյալ Նահանգներ, անորոշ ժամկետով արգելում է Սիրիայից փախստականների տեղավորումը և խստացնում է ԱՄՆ մուտք գործելու որոշ կանոններ: Նա սահմանափակումներ է մտցրել նաև երկիր մուտքը Իրանի, Իրաքի, Սիրիայի, Եմենի, Սուդանի, Սոմալիի, Լիբիայի քաղաքացիների նկատմամբ:

Սահմանափակումները նշանակում են, որ այդ երկրների բնակիչները չեն կարող նստել ԱՄՆ ուղևորվող ինքնաթիռ, անգամ եթե ունեն Գրին քարտ:

ԱՄԵՆԱԿԱՐԴԱՑՎԱԾ ԼՈՒՐԵՐ

ԱՄՆ-ն վերագործարկում է GSP-ն Հայաստանի համար

GSP համակարգում ներառված ապրանքները կարող են մուտք գործել ԱՄՆ շուկա մաքսատուրքի իջեցված կամ զրոյացված դրույքաչափերով։

Էքզիթ-փոլի արդյունքներով՝ Պուտինի օգտին քվեարկել է ընտրողների 73.9%-ը

Էքզիթ-փոլի արդյունքներով ՌԴ գործող նախագահ Վլադիմիր Պուտինը առաջին փուլով հաղթել է՝ ստանալով ձայների 73.9%-ը։

Հայաստանը և Դանիան կրկնակի հարկումը բացառելու համաձայնագիր են ստորագրել (տեսանյութ)

ՀՀ արտգործնախարար Էդվարդ Նալբանդյանը մարտի 14-ին հանդիպել է Դանիայի պետական եկամուտների նախարար Կարստեն Լորիտզենի հետ