Մուտք

Invalid username or password

Մոռացե՞լ եք գաղտնաբառը

Golden State. Հայկական կապիտալով առաջին բանկը ԱՄՆ-ում

Վերադարձ լուրերի բաժին

11:41 , 04 Դեկտեմբեր 2015

Ինչպես հաղորդում է Asbarez.com-ը, նոյեմբերի 19-ին տեղի է ունեցել «Գոլդն Սթեյթ» բանկի գլխամասի պաշտոնական բացումը: Այն ԱՄՆ-ում առաջին բանկն է, որի բաժնետերերի եւ ղեկավար խորհրդի անդամների մեծամասնությունն ազգությամբ հայեր են:

««Գոլդն Սթեյթ»-ը համայնքային բանկ է, որ ծառայելու է տարբեր բիզնեսների, կազմակերպությունների: Բանկն այսօր ունի  $125 մլն-ի ակտիվներ, տրամադրում է վարկեր սկսած $500 հազ-ից մինչեւ $5 մլն, ներգրավում ավանդներ: Միակ ոլորտը, որը բանկը չի սպասարկում, անհատական սպառողական վարկերն են՝ մեքենաների վարկավորում կամ հիփոթեքային վարկեր»,- ասել է բանկի ղեկավար խորհրդի նախագահ, բաժնետեր Ռոբերտ Սեդրակյանը:

«Գոլդն Սթեյթ» բանկի բաժնետեր, ղեկավար խորհրդի անդամ Արտակ Դալդումյանն էլ ընդգծել է, որ բանկի ղեկավար խորհրդի 11 անդամների մեծ մասը հայեր են, որոնք քաջատեղյակ են համայնքի մշակութային առանձնահատկություններին եւ անձամբ ճանաչում են գործող բիզեսներին եւ կազմակերպություններին:

«Այս հանգամանքը մեզ թույլ է տալիս ծառայություններ առաջարկելիս հաշվի առնել բոլոր հնարավոր պահանջները եւ լավագույն մոտեցում ցուցաբերել: Մենք ավելի լավ կհասկանանք մեր հայ հաճախորդների կարիքները, քան օրինակ շուկայում գործող այլ մեծ բանկեր, եւ սա մեր առավելությունն է»,- ասել է նա:

««Գոլդն Սթեյթ» բանկն իր գլխավոր գրասենյակը հիմնեց Գլենդելում՝ հաշվի առնելով մեր քաղաքի կարեւոր դիրքն ու բիզնեսի աճի ներուժը: Ուրախ ենք, որ բաժնետերերի մեծ մասը հայ են, և, վերջապես, ունենք հայկական կապիտալով բանկ ԱՄՆ-ում»,- նշել է Գլենդելի քաղաքապետ Զարեհ Սինանյանը՝ վստահություն հայտնելով, որ առաջիկայում բանկը կբազմապատկի կապիտալի չափերը եւ լուրջ ներկայություն կունենա ամբողջ Կալիֆոռնիայում:

ԱՄԵՆԱԿԱՐԴԱՑՎԱԾ ԼՈՒՐԵՐ

Մեծ ստվերայնություն՝ խորհրդատվական և իրավաբանական ծառայությունների ոլորտում

ՊԵԿ դիտարկումները վկայում են, որ խորհրդատվական, իրավաբանական ծառայություններ մատուցող անձանց կողմից խիստ թերի են հայտարարագրվում եկամուտները

Ucom-ը գործարկեց ավտոպարկի կառավարման uFleet նորարարական լուծումը

Հոկտեմբերի սկզբին ԴիջիԹեք 2018 տեխնոլոգիական ցուցահանդեսին Ucom ընկերության կողմից ներկայացված uFleet ավտոպարկի կառավարման ամպային նորարար լուծումն արդեն հասանելի է օգտագործման համար

Ալավերդու պղնձաձուլական գործարանը կվերաբացվի և առաջիկա մեկ տարվա ընթացքում չի փակվի. Azatutyun

Երեկ կայացել է փոխվարչապետի պաշտոնակատար Տիգրան Ավինյանի և Ալավերդու երեք օր առաջ փակված պղնձաձուլարանի սեփականատեր, «Վալլեքս» խմբի ընկերությունների նախագահ Վալերի Մեջլումյանի հանդիպումը