Մուտք

Invalid username or password

Մոռացե՞լ եք գաղտնաբառը

Fitch-ն անդրադարձել է Ամուլսարի խնդրին

Վերադարձ լուրերի բաժին

10:22 , 07 Մարտ 2019

Fitch վարկանշավորման միջազգային գործակալությունը, որը իրականացնում է նաև Հայաստանի վարկանշավորումը, պարբերաբար հրապարակում է մամուլի հաղորդագրություններ Հայաստանի տնտեսական զարգացումների մասին։ Այդ հաղորդագրություններին սովորաբար ուշի-ուշով հետևում են խոշոր ինստիտուցիոնալ և կորպորատիվ ներդրողները։ Օրերս վերլուծելով Հայաստանի վերջին տնտեսական զարգացումները՝ Fitch-ն առանձին անդրադարձ է կատարել նաև Ամուլսարի ոսկու հանքավայրի նախագծին։

Ովքե՞ր են այդ խոշոր ինստիտուցիոնալ և կորպորատիվ ներդրողները

Դրանք այն կառույցներն են, որոնք օրինակ ձեռք են բերել Հայաստանի թողարկած եվրապարտատոմսերը կամ կարող են առաջիկայում ձեռք բերել (ըստ էության 2020 թ.-ին հերթական թողարկումն անխուսափելի է), ինչպես նաև դրանք խոշոր կորպորացիաներն են, որ կարող են դիտարկել Հայաստանում խոշոր արտադրական հզորություններ և տարածաշրջանային գրասենյակներ բացելու հարցը։

Ի՞նչ է ասել Fitch-ն Ամուլսարի ոսկու հանքավայրի նախագծի մասին

Անդրադառնալով 2018 թ.-ին արձանագրված տնտեսական աճին, ինչպես նաև ներկայացնելով իր սպասումները 2019-2020 թթ. վճարային հաշվեկշռի ընթացիկ հաշվի մնացորդի մասին՝ Fitch-ը հստակ նշել է, որ Ամուլսարի ոսկու հանքավայրի շուրջ ստեղծված վեճի հանգուցալուծման հետ կապված անորոշության կրճատումը կարող է օժանդակել արտահանման աճին և օտարերկրա ներդրումների ներգրավման հեռանկարին։

Ի՞նչ ուղերձ է Fitch-ը հղում միջազգային ներդրողներին և ոչ միայն

Որպեսզի հասկանանք, թե ինչ է ուզում ասել Հայաստանի միջազգային վարկանշավորումը իրականացնող գործակալությունն իր մամուլի պաշտոնական հաղորդագրության տողատակերում, նախևառաջ, պետք է դիտարկել երկու ժամանակահատված՝ «մինչ հիմա» և «առաջիկայում»։ Ամենից առաջ, իր հատուկ անդրադարձով Fitch-ը ֆիքսում է և միջազգային հանրությանը ևս մեկ անգամ ներկայացնում է, որ առկա է մի այսպիսի խնդիր, որը «մինչև հիմա» (այսինքն վերջին 8-9 ամիսներին) սահմանափակել է և շարունակում է սահմանափակել օտարերկրյա ներդրումների ներգրավման հնարավորությունը: Այլապես անհասկանալի կլիներ, թե ինչու պետք է հանգուցալուծումը նպաստեր դրանց ներգրավմանը։ Երկրորդ, փաստում է, որ «առաջիկայում» հարցի, ենթադրաբար դրական, հանգուցալուծումը կարող է օժանդակել արտահանման աճին և օտարերկրյա ներդրումներ ներգրավման հեռանկարին։

Լիդիան Արմենիայի կողմից իրականացվող Ամուլսարի ոսկու հանքավայրի նախագիծը Հայաստանի պատմության խոշորագույն մասնավոր ներդրումային նախագիծն է ավելի քան 370 մլն ԱՄՆ դոլար արժեքով, որի իրականցումը դադարեցվել է 2018թ-ի հունիսից: Մի խումբ ակտիվիստներ փակել են հանք տանող ճանապարհները, ինչի պատճառով ընկերությունը չի կարողացել շարունակել շինարարական աշխատանքը դեռևս կառուցման փուլում գտնվող Ամուլսարի հանքարդյունաբերական ծրագրում:

ԱՄԵՆԱԿԱՐԴԱՑՎԱԾ ԼՈՒՐԵՐ

Երևանում կկառուցվի 54 մլիլարդ դրամ արժողությամբ «Վերածնունդ» երիտասարդական ավանը

Երևանի Մոնթե Մելքոնյան, 44 հասցեում կկառուցվի «Վերածնունդ» երիտասարդական ավան: «Երևանի պետական համալսարանի շրջանավարտների միավորում» հասարակական կազմակերպության շնորհիվ ընդամենը մի քանի տարի հետո 6,7 հա ընդհանուր մակերեսով հողամասը կդառնա լիարժեք բնակության վայր իր բոլոր հարմարություններով: «Երևանի պետական համալսարանի շրջանավարտների միավորում» հասարակական կազմակերպության նախագահ Արսեն Քարամյանն ասել է, որ շենքերը լինելու են սեյսմակայուն: «Բնապահպանության տեսանկյունից բոլոր փաստաթղթերն […]

Թողարկվել է «Գալուստ Գյուլբենկյան-150» հուշադրամը

ՀՀ կենտրոնական բանկը տեղեկացնում է, որ մարտի 22-ից շրջանառության մեջ է դրել «Գալուստ Գյուլբենկյան-150» ոսկե հուշադրամը: «Գալուստ Գյուլբենկյան-150» Դիմերես` հայ բարերարի հավաքական կերպարը խորհրդանշող հուշակոթողը («Հայ բարերարների ճեմուղի» հուշահամալիր) և «ԵՐԱԽՏԱՊԱՐՏՈՒԹՅՈՒՆ» երկլեզու մակագրությունը: Դարձերես` Գ. Գյուլբենկյանի դիմանկարը և նրա ստորագրությունը: Տեխնիկական չափանիշները Անվանական արժեքը 10 000 դրամ Մետաղը և հարգը ոսկի 900 Քաշը 8,6 գ […]

Երևանի 2019 թ. բյուջեն 10 մլրդ դրամով կավելանա

Երևանի բյուջեի լրամշակված տարբերակը պատրաստ է և կներկայացվի ավագանու քննարկմանը՝ արտահերթ նիստում: Փոփոխությունների պատճառը քաղաքում իրականացնելիք մեծածավալ աշխատանքն է: Այդ մասին b4b.am-ին տեղեկացրեց Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը: «Նախատեսված 8 միլիարդի աճը, որը լրամշակումով առաջարկելու ենք ավագանու հաստատմանը, կուղղվի մի շարք խոշոր ծախսային ծրագրերի, որոնց մեծ մասը նախկինում չի իրականացվել կամ […]