Ferrari կոնցեռնի բաժնետոմսերը Միլանի ֆոնդային բորսայում Ավստրալիայի Գրան պրիից հետո հասել են ռեկորդային ցուցանիշների: Դրան նպաստել է Գրան պրիում Սեբաստիան Ֆետելի տրիումֆը:

Մեկուկես տարում Սկուդերիի առաջին հաղթանակը Ferrari-ի բաժնետոմսերի արժեքը բարձրացրել է 3.6%-ով, ինչից հետո դրանց իրական արժեքը հասել է ֆոնդային շուկայում առևտրի ողջ ժամանակահատվածի համար ռեկորդային՝ 68.5 եվրո նշագծի, հայտնում է Bloomberg-ը:

Հիշեցնենք, որ շնորհիվ ճիշտ մարտավարական որոշման, Սեբաստիան Ֆետելի թիմը հեշտությամբ նվաճել է Ավստրալիայի Գրան պրին:

Սակայն արշավից հետո Ferrari-ի գլխավոր մրցակիցները՝ Mercedes-ի վարորդներ Լյուիս Հեմիլթոնն ու Վալտտերի Բոթասը, հայտարարեցին մայրուղում իրենց բոլիդների ունեցած խնդիրների մասին: