Facebook Messenger-ում հայտնվել է ինքնաոչնչացվող հաղորդագրությունների գործառույթ, հայտնում է CNET-ը։ Նոր գործառույթը ստացել է Messenger Day անվանումը և Snapchat-ում նմանատիպ օպցիայի կլոնն է։

Messenger Day-ը հնարավորություն է տալիս օգտատերերին կիսվել իրենց լուսանկարներով ու վիդեոստատուսներով անմիջականորեն մեսենջերում։ 24 ժամ անց դրանք ավտոմատ կերպով անհետանում են։

Պարբերականը նշում է, որ գործառույթը թեսթավորվել է անցած տարվա սեպտեմբերից Լեհաստանում և ներկայումս գործարկվում է միջազգային մասշտաբով։
Այն հասանելի կլինի Android և iOS ղեկավարմամբ աշխատող սարքերի վրա։