Մուտք

Invalid username or password

Մոռացե՞լ եք գաղտնաբառը

«DataArt» ընկերությունը գրասենյակ է բացել Երևանում

Վերադարձ լուրերի բաժին

01:48 , 14 Սեպտեմբեր 2019

Երևանում պաշտոնապես բացվել է «DataArt» ընկերության գրասենյակը, որին ներկա է եղել ՀՀ բարձր տեխնոլոգիական արդյունաբերության նախարարի տեղակալ Արմեն Աբրոյանը:

Բարձր տեխնոլոգիաների արդյունաբերության նախարարությունը հայտնեց, որ «DataArt»-ը ստեղծում, մշակում և զարգացնում է յուրահատուկ ծրագրային լուծումներ, որոնք հաճախորդներին օգնում են տարբեր ոլորտներում զարգացնելու իրենց բիզնեսը: Արդեն 22 տարի գործող ընկերությունը մասնաճյուղեր ունի ավելի քան 20 երկրում՝ ԱՄՆ-ում, Մեծ Բրիտանիայում, Ռուսաստանում, Ուկրաինայում, Արգենտինայում, և այլն։ Այժմ բացվել է նաև հայաստանյան գրասենյակը, որն ունի 20-ից ավելի աշխատակից։

Նախարարի տեղակալ Արմեն Աբրոյանը, շնորհավորելով և բարի երթ մաղթելով ընկերության աշխատակիցներին գրասենյակի բացման կապակցությամբ, համոզմունք է հայտնել, որ այս ընկերության բացումը Հայաստանում իր հետ կբերի նոր գիտելիքներ, նոր տեխնոլոգիաներ, ինչպես նաև՝ լավ աշխատանքային մշակույթ, որի հիմքում մարդկային հարաբերություններն ու մարդկային բարձր որակներն են:

«DataArt» ընկերության տնօրեն Արսեն Բաղդասարյանը նշել է, որ սա իրենց գաղափարների իրագործման սկիզբն է, առաջիկայում ունեն մեծ նպատակներ։ «Պետք է ձգտենք, որպեսզի լինենք Հայաստանի տեխնոլոգիական ոլորտի գործատուների հնգյակի մեջ, բայց հնգյակում չլինենք հինգերորդը»,- ընդգծել է Բաղդասարյանը:

ԱՄԵՆԱԿԱՐԴԱՑՎԱԾ ԼՈՒՐԵՐ

5000 նոր աշխատատեղեր կամ չվարձատրվող արձակուրդից վերադարձածներ

ՀՀ վիճակագրական կոմիտեի կողմից հրապարակված հուլիս ամսվա պաշտոնական թվերը փաստում են, որ 2020թ.-ի հուլիսին գրանցված աշխատողների թվաքանակը հունիսի նկատմամբ նվազել է 554-ով։

25.09.2020: Շաբաթական ամփոփ տվյալներ

Սեպտեմբերի 14-20-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 99.4 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 39.6 մլն ԱՄՆ դոլար:

Հայաստանի ստարտափ ակադեմիայի «Traction» ծրագիրը կներկայացնի իր 9 շրջանավարտ-ընկերություններին առցանց անցկացվող Դեմո օրվա ընթացքում

Եվրոպական միության և Վիվա-ՄՏՍ-ի աջակցությամբ իրագործվել է Հայաստանի ստարտափ ակադեմիայի «Traction» ծրագրի առաջին շրջանը: