Մուտք

Invalid username or password

Մոռացե՞լ եք գաղտնաբառը

City-ները նոր ՍՊԸ-ով են աշխատում

Վերադարձ լուրերի բաժին

15:02 , 24 Օգոստոս 2018

Yerevan Ciy սուպերմարկետների առավել ուշադիր հաճախորդները թերևս նկատել են, որ իրենց տրամադրվող ՀԴՄ կտրոնների վրա արդեն նշված է ոչ թե «Ալեքս Հոլդինգ», այլ «Սիթի»։

Դեռ մայիսին գրել էինք, որ մեր տեղեկություններով, քննարկվում է Yerevan City սուպերմարկետների ցանցը «Ալեքս Հոլդինգի» կազմից դուրս բերելու և առանձին ընկերություն ստեղծելու հնարավորությունը։ Այժմ արդեն գործ ունենք կայացած փաստի հետ։

Կարելի է ենթադրել, որ «Ալեքս Հոլդինգը» կշարունակի գործել՝ որպես ներմուծող և շաքար արտադրող ընկերություն, իսկ «Սիթին» կարտացոլի միայն մանրածախ առևտրի՝ սուպերմարկետների գործունեությունը։

Ինչո՞վ է սա կարևոր։

Նախ, սուպերմարկետների առանձնացումը այս ընդհանուր հսկա ընկերությունից թույլ կտա ավելի մեծ հաշվետվողականություն ապահովել և թույլ տալ համեմատականներ անցկացնել նույն ոլորտում գործող այլ ցանցերի հետ։

Բացի այդ, այս քայլով լուծվում է մեկ այլ կարևոր խնդիր։ Տևական ժամանակ ուշադրության կենտրոնում է եղել այն խնդիրը, որ շաքարի շուկայում փաստացի մենաշնորհային դիրքեր զբաղեցնող «Ալեքս հոլդինգը» շաքարը վաճառում է նույն գնով՝ թե՛ վերջնական սպառողներին (սուպերմարկետների միջոցով), թե՛ վերավաճառող ընկերություններին (փոքր խանութներ ու կրպակներ), որոնք պետք է որոշակի վերադիրով վաճառեն այդ ապրանքը։ Բնականաբար, այս գործելաոճը շաքարի մանրածախ շուկայում «Ալեքս հոլդինգին» գնային առավելություն է տալիս և մրցակցությունից դուրս թողնում մյուս մանր խաղացողներին։ Այժմ «Ալեքս հոլդինգը» պարտավոր կլինի շաքարը վաճառել «Սիթիին», որն էլ որոշակի վերադիրով այն կվաճառի վերջնական սպառողներին։

Նշենք նաև, որ «Սիթի» ՍՊԸ-ն պետռեգիստրում գրանցվել է 2018 թվականի մայիսի 14-ին։ Որպես հիմնադիր նշված է ՀՀ քաղաքածի Վարդան Վալյուշի Ֆարմանյանը։

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]