Մուտք

Invalid username or password

Մոռացե՞լ եք գաղտնաբառը

B4B.am-ը կհամագործակցի sme.ACBA.am հարթակի հետ

Վերադարձ լուրերի բաժին

18:33 , 25 Հոկտեմբեր 2016

«Ակբա-Կրեդիտ Ագրիկոլ» բանկն այսօր Երևանում պաշտոնապես ներկայացրեց փոքր ու միջին ձեռնարկատերերի համար նախատեսված sme.acba.am առցանց հարթակը։

Sme.acba.am -ը բազաբնույթ օգտակար նյութեր կներկայացնի ոչ միայն ՓՄՁ ոլորտին, այլ ընդհանրապես՝ տնտեսությամբ և բիզնեսով հետաքրքրվող յուրաքանչյուր մարդու։

Այնտեղ կարելի է գտնել օնլայն խորհրդատվություն, պրակտիկ խորհուրդներ՝ բիզնեսը սկսելու և վարելու, ֆինանսական հոսքերը կառավարելու հետ կապված, առցանց դասընթացներ, հաշվիչներ և այլ օգտակար գործիքներ։

Բացի «Ակբա-Կրեդիտ Ագրիկոլի» թիմից, որն իր ռեսուրսներով ներգրավվել է հարթակի աշխատանքներում, ծրագրին մասնակցում են նաև «Ռոսգոսստրախ Արմենիա» ապահովագրական ընկերությունը և «Ըդվայս բիզնես և իրավաբանական ծառայություն» ընկերությունը։ Նրանք առցանց հարթակում կներկայացնեն, համապատասխանաբար, ապահովագրության և իրավական դաշտ/ մարդկային ռեսուրսների կառավարում ենթաբաժինները։

Տեղեկատվական մասով այսուհետ sme.acba.am-ի միակ գործընկերն է B4B.am կայքը, որը հարթակի այցելուների համար կապահովի հետաքրքրություն ներկայացնող հոդվածներ և վերլուծական նյութեր։

Ծրագիրն իրականացվում է Համաշխարհային բանկի խմբի անդամ Միջազգային ֆինանսական կորպորացիայի (IFC) աջակցությամբ։ Ինչպես շնորհանդեսի ժամանակ նշեց բանկի Զարգացման վարչության պետ Արսեն Մելքոնյանը, հարթակը լինելու է անվճար։ Այն ամբողջապես պատրաստ կլինի և լիարժեք կգործարկի դեկտեմբերի սկզբին։

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: