Խուզարկություններ են տեղի ունենում գերմանական Audi ավտոարտադրողի կենտրոնակայանում՝ Ինգոլշտադտում (Բավարիայի դաշնային հող), ինչպես նաև մի քանի մասնաճյուղերում՝ կապված «դիզելային սկանդալի» հետ: Այս մասին հայտնում է Suddeutsche Zeitung (SZ) թերթը՝ վկայակոչելով դատախազությունում իր աղբյուրներին:

Audi-ն Volkswagen կոնցեռնի ստորաբաժանումներից մեկն է: Volkswagen-ը հայտնվել էր սկանդալի կենտրոնում, երբ իր արտադրած ավտոմեքենաներում հայտնաբերվել էր ծրագրային ապահովում, որը թույլ է տալիս նվազեցնել վնասակար նյութերի պարունակության ցուցանիշները դիզելային շարժիչ ունեցող մեքենաներում:

Արդյունքում՝ նման տրանսպորտային միջոցները համապատասխանել էին ԱՄՆ-ում ընդունված էկոլոգիական նորմերին միայն թղթի վրա: Իրականում օդի աղտոտվածության սահմանված նորման գերազանցվել էր 30-40 անգամ:

ԱՄՆ-ում կոնցեռնը սկանդալի հետ կապված պետք է վճարի գրեթե 4.3 մլրդ դոլարի տուգանք: