iPhone 7 և iPhone 7 Plus սմարթֆոններ են հայտնվել Apple-ի կայքում: Նորույթներն ունեն կարմիր գույնի կորպուսներ, որոնք պատկանում են (Product) RED սերիային:

Դրանք մարտի 24-ից հասանելի կլինեն պատվերի համար:

Վառ կարմիր iPhone-ները թողարկվել են ի պատիվ Apple-ի՝ RED ծրագրի հետ համագործակցության 10-ամյակի, որի շրջանակում իրականացվել է դրամական միջոցների հավաքագրում ՁԻԱՀ-ի, տուբերկուլյոզի և մալարիայի դեմ պայքարի հիմնադրամի համար:

Արշավը գործարկվել էր 2006թ. U2 խմբի մեներգիչ Բոնոյի կողմից:

Apple-ից բացի՝ RED անվանումով ապրանքատեսակներ են թողարկում նաև Nike, Converse, GAP, Armani, Starbucks և այլ ընկերություններ:

Իր տեխնիկական բնութագրիչներով կարմիր iPhone 7-ը չի տարբերվում այլ գունային գամմաներով սմարթֆոններից: