Մուտք

Invalid username or password

Մոռացե՞լ եք գաղտնաբառը

5 զարմանալի փաստ Քըրք Քրքորյանի մասին

Վերադարձ լուրերի բաժին

Խորագրեր

Դեմքեր

17:20 , 08 Փետրվար 2016

2015 թվականի հունիսի 16-ին միջազգային հեղինակավոր պարբերականները հայտնեցին, թե կյանքի 98-րդ տարում Բևեռլի Հիլզում մահացել է հայազգի խոշոր գործարար և բարերար Քըրք Քըրքորյանը:

Նրա մահից հետո աշխարհի առաջատար պարբերականները իրենց ծավալուն հոդվածներով անդրադարձան միլիարդատիրոջ կյանքին ու գործունեությանը՝ նշելով, թե այդ համեստ մարդն այդքան էլ չէր սիրում խոսել իր մասին: Ամերիկյան հեղինակավոր Time ամսագիրը նախօրեին հետաքրքիր հոդված է տպագրել Քըրքորյանի մասին` ներկայացնելով նրա կյանքի մասին 5 հետաքրքիր տեղեկություն:

Ինչպես գրում է Time-ը, այս միլիարդատերը իսկապես կարող էր համարվել «ամենահետաքրիքր տղամարդը»:

Նա երեք տարբեր ժամանակներում կառուցել է «աշխարհի ամենամեծ հյուրանոց-խաղատունը»

«Լաս Վեգասի մեգառեզորթի հայրը» կառուցեց ու բացեց հյուրանոց-խաղատներ, որոնք համարվում են աշխարհում խոշորագույնը: Դրանք բոլորն էլ գտվում են Լաս Վեգասում: Դրանք են International-ը (այժմ՝ Westgate Las Vegas)՝ 1969 թվականին, MGM Grand-ը (ներկայում՝ Bally’s Las Vegas)՝ 1973-ին ու ներկայիս MGM Grand Las Vegas-ը՝ 1993 թվականին: Տարբեր տարիներին նրան են պատկանել Վեգասի ամենահայտնի Desert Inn, the Sands ու Flamingo խաղատները, ինչպես նաև Caesars Palace-ի հողատարածքը:

Նա ուներ ընդամենը 8-րդ դասարանի կրթություն

Բնույթով լրատվամիջոցներից ամաչող մագնատը ծնվել է հայ-ամերիկյան աղքատ ընտանիքում Կալիֆոռնիայում, վաճառել է թերթեր ու սկսել է աշխատել 9 տարեկանից: Զբաղվել է բռնցամարտով՝ հանդես գալով Rifle Right Kerkorian անունով:

Մասնակցել է Առաջին համաշխարհային պատերազմին, ծառայել է ռազմաօդային ուժերում, 1950-1960-ականներին Վեգասում ձեռք է բերել խաղամոլի, ապա՝ բարձր խաղադրույքներ կատարողի ու գործարքներ կնքողի համբավ։

Նա գնել ու վաճառել է ավտոարտադրող ընկերություններ, ավիաուղիներ, ֆիլմարտադրող ընկերություններ: Ավտոինդուստրիայի հայտնի ներկայացուցիչ Լի Լաքոքան 2005թ. մի անգամ նրա մասին ասել է. «Գործարքներ կնքելը նրան ողջ է պահում», երբ Chrysler-ի հարցում ձախողվել էին: Նա փորձել է ներդրումներ անել նաև Ford-ում և GM-ում, ձգտել է գնել TWA-ն: Նրան է պատկանել նաև Western Airlines-ը:

Դրա հետ միասին նա կինոինդուստրիայի մագնատ էր: Քըրքորյանը 3 անգամ գնել ու վաճառել է MGM կինոստուդիան, գնել է United Artists-ը, փորձել է գնել Columbia Pictures-ը:

Նա ամսական 100 հազար դոլար էր վճարում մի երեխայի համար, ում մոր հետ ամուսնացած է եղել ընդամենը 1 ամիս

2010թ. Քըրքորյանը համաձայնեց 100 հազար դոլար վճարել 12 տարեկան Կիրայի համար: Նա նաև 10 մլն դոլար է վճարել երեխայի մորը՝ նրա ծախսերը հոգալու համար: Համաձայնությունը կայացվել էր Կիրայի մորից՝ թենիսիստուհի Լիզա Բոնդերից ամուսնալուծվելուց հետո, ով իրենից 50 տարով փոքր էր: Նա վճարում էր գումարը, թեև հայտնի է, որ Քըրքը Կիրայի կենսաբանական հայրը չէ:

Նախկինում նա քառակի հարուստ էր, քան հիմա

Forbes-ի տեղեկություններով՝ աշխարհի ամենատարեց միլիարդատերը՝ Դեյվիդ Ռոքֆելլերն է, ով հունիսի 12-ին դարձավ 100 տարեկան:
98-ամյա Քըրքորյանը թվով երկրորդ միլիարդատերն էր՝ մոտավորապես 4 մլրդ դոլար կարողությամբ:

2008-ին գործարարի կարողությունը 16 մլրդ դոլար էր: Մինչ նա շռայլ մարդ չէր (վարում էր Ford Taurus), նույնը չի կարելի ասել Քըրքորյան կլանի մասին, գրում է Time-ը:

ԱՄԵՆԱԿԱՐԴԱՑՎԱԾ ԼՈՒՐԵՐ

Ցարական Ռուսաստանի ամենահարուստ հայը՝ Սեմյոն Աբամելեք-Լազարև

Սեմյոն Աբամելեք-Լազարևի կարողությունը գնահատվել է 44 մլն ռուբլի, ինչի շնորհիվ ընդգրկվել է ռուսական կայսրության ամենահարուստ մարդկանց եռյակում

«Մենք ամեն օր պայքարում ենք՝ ապագայի համար». Alibaba-ի հիմնադիր

Ջեք Ման Դավոսում պատասխանել է լրագրողների հարցերին

«Պաշտոնապես հայտարարում եմ. Հայ-Ռուսական համալսարանում կոռուպցիա չկա, և երբևիցե չի՛ եղել»

«Տիկնայք և պարոնայք գրանտատուներ, գրանտաորսներ և գրանտակերներ, չհամարձակվեք այլևս ստվեր գցել Հայաստանյան համալսարանական հանրության վրա»