Մուտք

Invalid username or password

Մոռացե՞լ եք գաղտնաբառը

Մարդիկ աշխատել են նաև մեզանից առաջ. ՊԵԿ նախագահը՝ հարկային մուտքերի աճի տեմպերի մասին

Վերադարձ լուրերի բաժին

17:41 , 10 Սեպտեմբեր 2018

Հարկային եկամուտների գծով համախառն մուտքերի ամենամեծ աճն ընթացիկ տարվա հունվար-օգոստոսի կտրվածքով արձանագրվել է հուլիսին: Այս մասին տեղեկացրեց ՀՀ կառավարությանն առընթեր պետական եկամուտների կոմիտեի նախագահ Դավիթ Անանյանը՝ ի պատասխան «Արմենպրես»-ի հարցին՝ արդյոք 2018-ի 8 ամիսներին գրանցված 16 տոկոսանոց աճի մեջ որքան է կազմում վերջին երեք ամիսների մասնաբաժինը:

«Գերակատարման ամենամեծ ցուցանիշը գրանցվել է հուլիսին: Ես չեմ ուզի առանձնացնել մայիսից այս կողմ հավաքագրումները, սովորաբար, ֆինանսիստները ցանկացած թվային տեղեկատվություն ներկայացնում են հունվարի 1-ից մինչև տվյալ ժամանակաշրջանի ավարտը կամ նախորդ համադրելի ժամանակաշրջանի համեմատ: Մենք ապրիլին էլ ենք ունեցել մեծ հավաքագրումներ: Չեմ ուզում այնպիսի տպավորություն ստեղծվի, որ մենք մայիսից սկսած ենք լավ ցուցանիշներ արձանագրել: Մենք նաև լավ ժառանգություն ենք ունեցել: Օրինակ, մարտ-ապրիլին ևս հավաքագրման լավ տեմպեր են եղել»,- ընդգծեց ՊԵԿ նախագահը:

Այնուամենայնիվ, Դավիթ Անանյանը նկատեց, որ իր պաշտոնավարման ընթացքում՝ վերջին երեք ամիսներին, հարկերի հավաքագրման աճի տեմպերը մի փոքր ավելի բարձր են եղել: «14 տոկոս եղել է ապրիլին, մեզ մոտ՝15.3 տոկոս: Եթե դուք ուզում էիք, որ ես ասեմ նաև հեղափոխություն ենք արել այս գործում, ես ձեզ պետք է մի փոքր հիասթափեցնեմ: Մարդիկ աշխատել են նաև մեզանից առաջ»,-ասաց Դավիթ Անանյանը:

Ընթացիկ տարվա առաջին ութ ամսում պետեկամուտների կոմիտեի կողմից հավաքագրվել է 880.1 միլիարդ դրամ հարկային եկամուտ, որից 670.7 միլիարդ դրամը՝ հարկային մարմինների կողմից, իսկ 209.4 միլիարդը՝ մաքսային մարմինների: Նախորդ տարվա նույն ժամանակահատվածի համեմատ աճը կազմել է 15.9 տոկոս:

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]