Մուտք

Invalid username or password

Մոռացե՞լ եք գաղտնաբառը

400 հազար դոլարից 260 հազարն արդեն ծախսվել է. Ո՞ւր է հասել Հայաստանի բրենդավորման գործընթացը

Վերադարձ լուրերի բաժին

Հեղինակ

B4B.am

Խորագրեր

Դայջեսթ

21:02 , 13 Մայիս 2017

2012 թվականին մեկնարկեց Հայաստանի բրենդավորման գործընթացը: Գաղափարի հեղինակը Հայաստանի Ազգային մրցունակության հիմնադրամն էր։ 2014 թ. փետրվարին ամերիկյան GK Brand ընկերության հետ ստորագրվեց պայմանագիր` Հայաստանի ազգային բրենդի ստեղծման վերաբերյալ։ Այսինքն` պետք է մշակվեր կարգախոս և լոգո, որով Հայաստանը պետք է ներկայանա աշխարհին։ Եվ այս ամենի համար կառավարության և դոնոր կազմակերպությունների կողմից հատկացվեց 400 հազար դոլար: Անցած տարի հուլիսին ներկայացվեց քառագույնով` ՀՀ դրոշի եռագույնով և նռան գույնով, հավերժության նշանի և ծաղկի խառնուրդ հիշեցնող պատկերը` որպես ազգային բրենդ, ինչպես նաև կարգախոսը` «Պատմությունը նոր է սկսվում»:

Այն ըստ էության չընդունվեց հայաստանցիների կողմից: Զարմանալիորեն` հանրության հետ համաձայն էին նաև պաշտոնյաները, որոնք շտապեցին վստահեցնել, թե կառավարությունը չի կարող որպես ազգային ընդունել մի բրենդ՝ առանց հանրության կարծիքը նկատի առնելու:

Դրանից հետո ազգային բրենդի ընդունելի տարբերակ գտնելու նպատակով ստեղծվել է հանձնաժողով, որի կազմում ընդգրկված են տարբեր գերատեսչություններ, այդ թվում` Ռազմավարական նախաձեռնությունների կենտրոնը:

168.am-ի հետ զրույցում ՀՀ տնտեսական զարգացման և ներդրումների փոխնախարար Հովհաննես Ազիզյանը տեղեկացրեց, որ հանձնաժողովը քննարկում է եղած հետազոտության արդյունքները, ուսումնասիրում է սցենարները, ընթացքը, հնարավոր է՝ որոշակի նոր սցենարներ դիտարկվեն:

«Այսինքն` առաջարկությունների հիման վրա դիտարկում ենք ընդհանուր սցենարները, կփորձենք նաև ներգրավել տարբեր շահագրգիռ կողմերի, ու արդյունքում՝ կունենանք հանձնաժողովի համար ընդունելի մի քանի սցենարներ: Համատեղ սցենարները լինելու են հիմքը, ևս մի անգամ հանրության, շահագրգիռ կազմակերպությունների հետ կքննարկենք և, ենթադրում եմ՝ դրանից հետո կավարտենք աշխատանքները: Այս փուլում դժվարանում են ժամկետներ նշել, բայց հաստատ մի քանի ամսվա աշխատանք ունենք»,- ասաց Հ.Ազիզյանը:

Նա նշեց, որ 400 հազար դոլարն ամբողջությամբ դեռ չի հատկացվել, երբ աշխատանքները կավարտվեն, արդյունքն ընդունելի կլինի, այն ժամանակ ամբողջը կվճարվի: Այս պահի դրությամբ ծախսվել է մոտ 260 հազար դոլար: Հ.Ազիզյանի կարծիքով` մնացած գումարը բավարար կլինի աշխատանքներն ավարտելու համար:

«Բավականին լուրջ հարց է, որ կարևոր է երկրի համար ոչ միայն զբոսաշրջության տեսակետից, այլև ներդրումների: Այսինքն` նախատեսվելու են տարբեր բրենդինգներ, որոնք հնարավոր է՝ առանձին և՛ ներդրումային տեսանկյունից բենդն ու կարգախոսը համապատասխան լինեն, և՛ զբոսաշրջության, և այլ»,- ասաց փոխնախարարը:

Ըստ նրա` հավերժության ծաղկի պատկերը բրենդի տարբերակներից մեկն է: GK Brand ընկերությունը մոտ 7-8 տարբեր տարբերակներ է առաջարկել. «Առաջարկված տարբերակների մեջ պետք է փորձենք հասկանալ՝ որն է հիմնական ուղղվածությունը, որը կլինի վերջնական տեսակետը: Այսինքն` առաջին փուլով աշխատանքները կընդունենք, կդնենք հանրության քննարկմանը և արդյունքում դուրս կգանք վերջնական տարբերակին»,- նշեց նա:

ԱՄԵՆԱԿԱՐԴԱՑՎԱԾ ԼՈՒՐԵՐ

5 հայտնի մոդելների չինական ամենահաջողված կրկնօրինակները (տեսանյութ)

Mercedes Gelandewagen, Range Rover, Porsche, Ford, Lexus մակնիշների առանձին մոդելներն ու դրանց չինական պատճենները

Citizen. կոկտեյլի բաղադրատոմս՝ Երևանի կոնյակի գործարանից

ARARAT Brandy ֆեյսբուքյան էջը կիսվել է «Citizen» կոկտեյլի բաղադրատոմսով։

Հավելվածների համաշխարհային շուկայի ծավալը հասել է 60 մլրդ դոլարի

Շուկայի առաջատարը Apple-ն է՝ մոտ 66%: App Store-ի 38.5 մլրդ դոլարից 26.5 մլրդ-ը վճարվել է IOS դևելոփերներին։