Մուտք

Invalid username or password

Մոռացե՞լ եք գաղտնաբառը

4 պատճառ, որոնք խանգարել են ՀՀ բանկերին

Վերադարձ լուրերի բաժին

00:01 , 24 Օգոստոս 2016

2015 թվականին ՀՀ առևտրային բանկերը հիմնականում կատարել են 2015-2017թթ. հեռանկարային զարգացման ծրագրերով (ՀԶԾ) նախատեսված խնդիրները։ Բացառություն են կազմում շահութաբերության և կապիտալի ցուցանիշները՝ կապված տարեվերջին անսպասելի տատանումներով։

Այս մասին նշվում է ՀՀ Կենտրոնական բանկի կողմից հրապարակված՝ ՀՀ բանկային համակարգի հնարավոր զարգացումները 2016-2018թթ. զեկույցում, որը կազմվել է ըստ առևտրային բանկերի 2016-2018թթ. հեռանկարային զարգացման ծրագրերի։ Զեկույցի հեղինակները հարկ են համարել նշել, որ բանկերի նպատակների և խնդիրների կատարողականի գնահատումը հաճախ դժվարանում է՝ վերջիններիս ոչ չափելի լինելու պատճառով։

Զեկույցում նշվում է, որ բանկային համակարգի ակտիվների 2015թ. փաստացի ցուցանիշները կանխատեսվածի համեմատ թերակատարվել են 1.3%-ով, իսկ պարտավորությունները՝ գերակատարվել 0.6%-ով։

Բանկային համակարգի շահութաբերության ցուցանիշները թերակատարվել են. ըստ կապիտալի շահութաբերությունը (ROE) ծրագրվածից փոքր է եղել 9.9 տոկոսային կետով, իսկ ըստ ակտիվների շահութաբերության ցուցանիշը (ROA) կանխատեսվածի համեմատ թերակատարվել է 1.5%-ով։

ԿԲ մասնագետները նշում են, որ վճարահաշվարկային համակարգը բնութագրող ցուցանիշները, ի տարբերություն ֆինանսական վիճակը նկարագրող ցուցանիշների, ավելի դժվար է կանխատեսել, քանի որ դրանք ավելի քիչ են կախված բանկի ռազմավարական որոշումներից (ինչպես, օրինակ, վարկային ռազմավարությունը), որի հետևանքով դառնում են շատ անկանխատեսելի։

Որպես 2015թ.  փաստացի ցուցանիշների ծրագրված ցուցանիշներից շեղման հիմնական պատճառներ ՀՀ առևտրային բանկերը առանձնացնում են հետևյալ գործոնները.

– շահույթի թերակատարում,

– վարկերի դանդաղ աճ,

– գործընկեր ֆինանսական կառույցների հետ համագործակցության չկանխատեսված զարգացումներ,

– վարկային պորտֆելի որակի վատացում։

ԱՄԵՆԱԿԱՐԴԱՑՎԱԾ ԼՈՒՐԵՐ

2019-ին հաջորդող տարիներին տնտեսական քաղաքականությունը պետք է տանի նրան, որ ՀՆԱ-ի տարեկան աճը լինի ոչ պակաս, քան 5%-ը. Տիգրան Խաչատրյան

Տնտեսական քաղաքականության հիմնական նպատակը լինելու է Հայաստանի քաղաքացիների բարեկեցության բարձրացումը

«Հայաստանի էներգետիկայի շաբաթ-2018» միջոցառմանը կմասնակցեն արևային էներգետիկայի միջազգային առաջատար ընկերություններ

«Շտիգեն» ընկերության հիմնադիր-տնօրեն Հայկ Շեկյանը նշեց, որ այս միջոցառումն իրականացվում է ոչ միայն ոլորտի մասնավոր ընկերությունների բիզնեսի զարգացման համար…

ՊԵԿ-ը ստուգողական միջոցառումներ է իրականացրել «Գազպրոմ Արմենիա» ՓԲԸ-ում բացահայտվել են առանձնապես խոշոր չափերով հարկեր չվճարելու դեպքեր

«Գազպրոմ Արմենիա» ՓԲԸ-ն 2016 և 2017 թվականների ընթացքում հարկային մարմին ներկայացված ԱԱՀ-ի և շահութահարկի հաշվարկներում ներառել է ակնհայտ կեղծ տվյալներ