Մուտք

Invalid username or password

Մոռացե՞լ եք գաղտնաբառը

35 մլն դոլար առևտրաշրջանառությունը ամենևին չի արտացոլում ԵԱՏՄ անդամ երկու պետությունների իրական ներուժը. Վարդան Արամյան

Վերադարձ լուրերի բաժին

Հեղինակ

B4B.am

Խորագրեր

ԵՏՄ

18:51 , 25 Հոկտեմբեր 2016

Հոկտեմբերի 25-ին ՀՀ ֆինանսների նախարար Վարդան Արամյանն ընդունել է Բելառուսի Հանրապետության արտակարգ և լիազոր դեսպան Իգոր Նազարուկին:

Կարևորելով հայ-բելառուսական համագործակցության ընդլայնման հնարավորությունները՝ նախարարն ընդգծել է, որ 35 միլիոն ամերիկյան դոլար առևտրաշրջանառությունը ամենևին չի արտացոլում ԵԱՏՄ անդամ երկու պետությունների իրական ներուժը. կան բոլոր նախադրյալները՝ ԵԱՏՄ-ի մեխանիզմների օգտագործմամբ զարգացնելու փոխադարձ ապրանքաշրջանառությունը:

Շնորհակալություն հայտնելով հանդիպման հնարավորության համար` դեսպան Իգոր Նազարուկը շնորհավորել է Վարդան Արամյանին ՀՀ ֆինանսների նախարարի պաշտոնում նշանակվելու առիթով և հայտնել իր պատրաստակամությունը համագործակցությունը նոր մակարդակի բարձրացնելու հարցում: Անդրադառնալով հայ և բելառուս ժողովուրդների արժեհամակարգային ընդհանրություններին՝ դեսպան Իգոր Նազարուկը նշել է, որ առկա տնտեսական ներուժի ոչ լիարժեք օգտագործման հարցում համամիտ է նախարար Արամյանի հետ և վստահ է, որ համատեղ աշխատանքի ընթացքում կգտնվեն առավել արդյունավետ ու փոխշահավետ լուծումներ, որոնք թույլ կտան ապահովել տնտեսական ցուցանիշների աճն ու աշխուժացնել երկկողմանի ներդրումները:

Զրուցակիցները հատկապես անդրադարձել են Հայաստանում պահանջարկ ունեցող բելառուսական գյուղտեխնիկայի և քաղաքային տրանսպորտային միջոցների արդիականացված նմուշների՝ առաջիկա թողարկման հեռանկարին: Բելառուսական կողմը առաջարկել է քննարկել արտահանման վարկային ծրագրերից օգտվելու հնարավորոթյունները:

Վարդան Արամյանը կարևորել է փոխշահավետ գործակցության ապահովման, արտահանման շուկաների ընդլայնման անհրաժեշտությունը, ինչպես նաև գործարարներին տեխնիկական խոչընդոտներից պաշտպանելու մոտեցումը, ինչ էլ հենց Եվրասիական միացյալ տնտեսական գաղափարի հիմքում է:

ԱՄԵՆԱԿԱՐԴԱՑՎԱԾ ԼՈՒՐԵՐ

Վարչապետ Փաշինյանն ընդունել է ՌԴ ԱԳ նախարար Սերգեյ Լավրովին

Զրուցակիցները քննարկել են հայ-ռուսական հարաբերությունների օրակարգային հարցեր: Վարչապետը նշել է. «Վերջին անգամ Դուք պաշտոնական այցով Հայաստանում եղել եք երկու տարի առաջ, այս ընթացքում Հայաստանում տեղի են ունեցել մեծ փոփոխություններ: Ցանկանում եմ նշել, որ այդ փոփոխությունների արդյունքում մեր երկրների միջև հարաբերությունները նոր դինամիկա են ստացել»:

ՌՈՅԹԵՐՍ: Տնտեսական բարեփոխումների արդյունքում Հայաստանը հայտնվել է եկամտաբերության ձգտող ներդրողների տեսադաշտում

«Հայկական պարտատոմսերն այս տարի գերազանցեցին տարածաշրջանի նմանօրինակ պարտատոմսերից շատերին, ինչը նշանակում է, որ ներդրողները ակնհայտորեն վստահում են շարունակական բարեփոխումներին», – «Reuters» գործակալությանն ասել է «ՎՏԲ Կապիտալ»-ի ֆիքսված եկամտի ստրատեգ Իգոր Ռապոխինը:

ԿԲ պատվիրակությունը մասնակցել է ԵԱՏՄ պետությունների կենտրոնական բանկերի արժութային քաղաքականության խորհրդի նիստին

Քննարկվել են անդամ պետություններում վարվող դրամավարկային քաղաքականության արդյունքները, վճարահաշվարկային համակարգերի, տեղեկատվական անվտանգության աշխատանքային խմբերի գործունեության արդյունքները: