Մուտք

Invalid username or password

Մոռացե՞լ եք գաղտնաբառը

Աջակցություն է տրամադվել 5 հազար 390 միկրոձեռնարկատիրոջ

Վերադարձ լուրերի բաժին

00:33 , 04 Հունիս 2020

Կորոնավիրուսի տնտեսական հետևանքների չեզոքացման 10-րդ միջոցառումից օգտվելու համար Պետական եկամուտների կոմիտե են դիմել միկրոձեռնարկատիրության սուբյեկտ հանդիսացող 5 հազար 390 տնտեսավարող: «Արմենպրես»-ի մամուլի սրահում հրավիրված ասուլիսում, ամփոփելով միջոցառման արդյունքները, ՊԵԿ նախագահի տեղակալ Արթուր Մանուկյանը նշեց, որ մասնակցությունը բավական բարձր է եղել: Միջոցառումից օգտվելու պոտենցիալ շահառուների թիվը եղել 6 հազար 161, որից 5 հազար 390-ը դիմել է: Աջակցության ընդհանուր գումարը կազմել է 294,4 մլն դրամ:

«Միջոցառումն ավարտված է: Շահառուների մասնակցությունը եղել է բավական բաձր: Ծրագրից չեն օգտվել նրանք, ովքեր չեն դիմել: Այլ խնդիրներ չեն եղել, նրանք պարզապես դիմումներ չեն ներկայացրել: Այստեղ ես ասեմ, որ բոլոր շահառուները պատշաճորեն ծանուցվել են, նրանց էլեկտրոնային հասցեին ուղարկվել են հաղորդագրություններ, զանգվածային լրատվության միջոցներով ևս իրազեկվել են: Վերջում տեղեկացված լինելու հանգամանքը ապահովել ենք նաև զանգերով»,-ասաց Արթուր Մանուկյանը: Ցանկում չեն ներառվել այն սուբյեկտները, որոնք համավարակի հետևանքով առավել տուժած ոլորտն են ներկայացնում և ներգրավված են եղել հակաճգնաժամյին 8-րդ միջոցառման մեջ: Մնացած առումով ոլորտային սահմանափակում այստեղ չի եղել:

Աջակցության 10-րդ միջոցառման շահառուներ են միկրոձեռնարկատիրության այն սուբյեկտները, որոնք՝ 2019-ին հանդիսացել են ընտանեկան ձեռնարկատիրության սուբյեկտ կամ ինքնազբաղված անձ, 2020թ. հունվարի 1-ից հետո գրանցված միկրոձեռնարկատիրության սուբյեկտ, որը 2019-ին չի հանդիսացել ԱՁ, ինքնազբաղված և ընտանեկան ձեռնարկատիրության սուբյեկտ։ Միջոցառման շահառու չեն կարող լինել այն կազմակերպությունները, որոնց շրջանառությունը 2020 թ. առաջին եռամսյակում գերազանցել է 6 մլն դրամը կամ ունեցել են երկու և ավելի աշխատող, կամ հանդիսացել են 9-րդ, 8-րդ, 6-րդ, 4-րդ միջոցառման շահառու։

ԱՄԵՆԱԿԱՐԴԱՑՎԱԾ ԼՈՒՐԵՐ

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: