Մուտք
Invalid username or password
Գյուղատնտեսական տեխնիկայի նվիրատվություն Լոռու մարզի համայնքներին
Վերադարձ լուրերի բաժին
13:02 , 28 Մայիս 2020
Դիտումներ872
Եվրոպական միությունը և Ավստրիական զարգացման գործակալությունը ՀՀ Լոռու մարզի 13 գյուղական բնակավայրերի ֆերմերներին, ընդգրկելով Սպիտակը, Ստեփանավանը, Գուգարքը, Թումանյանը, նվիրաբերեցին հողամշակման համար նախատեսված 10 միավոր բարձրակարգ մոտոբլոկ՝ հարակից կցագործիքներով: Այդ մասին b4b.am-ին հայտնեց ԵՄ կանաչ գյուղատնտեսության նախաձեռնություն (EU-GAIA) ծրագիրը: COVID-19 ճգնաժամի հետևանքով առավել խոցելի վիճակում հայտնված 41 արտադրող հնարավորություն կունենա ռոտացիոն կարգով օգտագործել նոր սարքավորումները և ավելացնել եկամուտը։
Գյուղտեխնիկան տրամադրվել է Լոռու մարզպետարանի հետ սերտ համագործակցությամբ` Հայաստանում ԵՄ կանաչ գյուղատնտեսության նախաձեռնության (EU-GAIA) եռամյա ծրագրի շրջանակում, որը ֆինանսավորվում է Եվրոպական միության ու համաֆինանսավորվում է Ավստրիական զարգացման համագործակցության կողմից։ ՀՀ Լոռու մարզպետ Անդրեյ Ղուկասյանը նշել է. «Լոռու մարզում հողերի կառավարման արդյունավետությունը բարելավելու, մշակվող տարածքները մեծացնելու և պտուղ- բանջարեղենի արժեշղթաները զարգացնելու համար մենք EU-GAIA ծրագրի մեր գործընկերներին ներկայացրեցինք առաջատար և փորձառու ֆերմերների, ֆերմերային խմբերի ու կոոպերատիվների ցանկը, որոնք պատրաստ են ընդլայնել իրենց արտադրական տարածքները և գրագետ գյուղատնտեսական պրակտիկայով կիսվել շահառու ֆերմերների հետ»: Կոոպերատիվների և ֆերմերային խմբերի ղեկավարները պատասխանատու կլինեն տրամադրված տեխնիկայի պլանավորման և ռոտացիոն օգտագործման համար:
Շահառուներից մեկը՝ կոոպերատիվի նախագահ Ալվարդ Դավոյանն ասել է. «Կորոնավիրուսի ճգնաժամի պատճառով մեր ընտանիքները շատ ծանր իրավիճակում են գտնվում շուկաների պակասի և ցածր արտադրողականության պատճառով: Այս անհապաղ աջակցության շնորհիվ մենք կկարողանանք արդեն իսկ ընթացիկ տարում ավելացնել վարելահողերի մշակումը, դիվերսիֆիկացնել մեր արտադրությունը և լինել ինքնաբավ մեր տնտեսության մեջ»:
«Covid-19- ի համաճարակի դժվարին պահերին մեր ընտանիքները շատ ծանր են տանում ճգնաժամի պատճառով` շուկայի ցածր մուտքի և ոչ բավարար արտադրողականության պատճառով: Անմիջական աջակցության շնորհիվ մենք կկարողանանք արդեն ընթացիկ տարում ավելացնել վարելահողերի մշակումը, դիվերսիֆիկացնել մեր արտադրությունը և ինքնավստահ լինել »: «Այս նվիրատվությունը Եվրոպական միության անհապաղ օժանդակության մաս է հանդիսանում` ՀՀ գյուղատնտեսական ոլորտում COVID-19 ճգնաժամի հետևանքները մեղմելու համար: Մինչ այսօր ընդհանուր առմամբ 20 միավոր մոտոբլոկ է բաժանվել Տավուշի և Շիրակի մարզերում, և մենք ուրախ ենք այս դժվարին ժամանակներում ևս 10 միավոր նվիրաբերել Լոռու մարզի համայնքներին: Տրակտորի հետ համեմատած՝ մոտոբլոկն ավելի արդյունավետ, բազմաֆունկցիոնալ և էներգախնայող գյուղատնտեսական տեխնիկա է, որն առավել քիչ է վնասում բնությանը», – նշեց EU-GAIA ծրագրի տարածքային գրասենյակի և Ավստրիական զարգացման գործակալության ներկայացուցիչ Արմինե Քալաշյանը։
Գյուղատնտեսական ոլորտում COVID-19 համաճարակի բռնկման համատեքստում Եվրոպական միությունը ընդհանուր առմամբ Հայաստանին տրամադրում է 456,500 եվրո օգնություն: Միջոցառումներն ուղղված են անհապաղ աջակցելու ծրագրի թիրախային մարզերում ստեղծված իրավիճակում սոցիալ-տնտեսական առավել խոցելի ֆերմերներին և արտադրողներին:
Դիտումներ 872
ԱՄԵՆԱԿԱՐԴԱՑՎԱԾ ԼՈՒՐԵՐ
Ucom ընկերությունը հերքում է իր աշխատակիցներին քաղաքական որևէ ուժին սատարել ստիպելու մասին լուրերը
Ընկերություն ընդունվելիս աշխատակցի առջև դրվող միակ պայմանը արհեստավարժությունն է և Ընկերության արժեքներին հավատարիմ լինելը։
UCOM-ն առաջարկում է ձեռք բերել Alcatel 1S սմարթֆոնն ու նվեր ստանալ TWS Hiper Oki ականջակալներ
Ucom ընկերությունն առաջարկում է ձեռք բերել 2021թվականի արտադրության Alcatel 1S սմարթֆոնն ամսական ընդամենը 2000 դրամով և ստանալ նվեր` TWS Hiper Oki վարդագույն և կապույտ անլար ականջակալներից մեկը:
ՎՏԲ-Հայաստան Բանկը մեկնարկում է վարկավորման ծրագիր՝ ՀՀ կառավարության 19-րդ միջոցառման շրջանակներում
ՎՏԲ-Հայաստան Բանկը՝ ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ COVID19-ի տնտեսական հետևանքների չեզոքացման ՀՀ կառավարության 19-րդ միջոցառման շրջանակներում, հայտարարում է փոքր բիզնեսի վարկավորման և այս սեգմենտի հաճախորդների բիզնես-ծրագրերին օժանդակություն ցուցաբերելու մասին:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։