Մուտք

Invalid username or password

Մոռացե՞լ եք գաղտնաբառը

24-րդ միջոցառումն ուղղված է խաղողի մթերումներն անխոչընդոտ կազմակերպելուն

Վերադարձ լուրերի բաժին

Կառավարության նիստում Էկոնոմիկայի նախարար Տիգրան Խաչատրյանը ներկայացրեց կորոնավիրուսի տնտեսական հետևանքների չեզոքացման 24-րդ միջոցառումը: Նախարարը հայտնեց՝ միջոցառումը վերաբերում է խաղողի մթերումներին և գինեգործության ու կոնյակագործության ոլորտում գործող կազմակերպությունների մոտ առկա խնդիրները կարգավորելուն:

Խաչատրյանը հայտնեց՝ կորոնավիրուսի համավարակի պատճառով թե՛ արտահանման, թե՛ ներքին շուկայում իրացման ծավալների 30 տոկոսով անկումներ են արձանագրված, և դրանք ազդեցություն են թողել կազմակերպությունների վրա երկու առումով. նախ՝ ընթացիկ դրամական եկամուտները նվազել են, որովհետև վաճառքներն են նվազել, և երկրորդ՝ ընդհանուր այդ ոլորտում գործունեության պայմանների վատացման հետևանքով բանկերն ավելի զգուշավոր են այդ կազմակերպությունների հետ և ավելի դժվարությամբ են վարկավորում:

«Առջևում խաղողի մթերումներն են, և մենք ունենք տեղեկություններ, որ այս տարի խաղողի բերքը զգալիորեն բարձր է լինելու, քան նախորդ մի քանի տարիներին: Կազմակերպությունները, որոնք դեռևս բավարար չափով վաճառք չունեն, ունեն նաև որոշակի ֆիզիկական վերազինման անհրաժեշտություն, որովհետև այն տարողությունները, որոնք նրանք օգտագործում են պատրաստի արտադրանքի կամ մթերումների ժամանակահատվածում, չվաճառված արտադրանքի դեպքում արդեն բավարար չեն թվում, ու որոշ դեպքերում դժվարություններ են առաջացնում բնականոն գործունեությունը կազմակերպելու համար»,- նշեց Խաչատրյանը:

Մթերումների շրջանում մթերումներ իրականացնող կազմակերպություններին սուբսիդավորվող վարկեր կտրամադրվեն, այսինքն՝ Կառավարությունը կսուբսիդավորի վարկի տոկոսն ամբողջությամբ: Սուբսիդավորման առավելագույն ժամկետն առաջարկվեց սահմանել 24 ամիս, վարկի առավելագույն սահմանաչափը՝ 3 միլիարդ դրամ, վարկի մարման արտոնյալ ժամանակահատվածը՝ 3-6 ամիս:

Նախագծի ընդունման արդյունքում խաղողի մեծածավալ մթերումներ իրականացնող տնտեսվարողները հնարավորություն կստանան ներգրավելու անհրաժեշտ լրացուցիչ ֆինանսական միջոցներ, լիզինգով ձեռք բերելու հումքի և արտադրանքի պահման տարողություններ ու կաղնեփայտե տարաներ, կազմակերպելու խաղողի մթերման գործընթացն ու վճարելու խաղողագործներից գնված բերքի արժեքը, որոշ չափով նվազեցնելու արտադրանքի ինքնարժեքն ու ավելացնելու արտադրանքի իրացման ծավալները։

1lurer.am

Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան

Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:

Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները

ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:

ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը

ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։