Մուտք
Invalid username or password
Հայաստանի բանկերի միության նախաձեռնությամբ ուսանողների համար կազմակերպվել են դասախոսություններ
Վերադարձ լուրերի բաժին
17:45 , 20 Սեպտեմբեր 2019
Դիտումներ821
Հայաստանի բանկերի միության նախաձեռնությամբ իրականացվող «Ֆինանսական գրագիտություն և հմտություններ» խորագրով հանրային միջոցառումների ծրագրի շրջանակներում մեկնարկել է «Նոր ուսումնական տարին՝ նոր գիտելիքներով» ուսանողական դասընթացների շարքը: Հայաստանի բանկերի միության գործադիր տնօրեն Սեյրան Սարգսյանն ընդգծել է. «Ֆինանսական գրագիտությունը ֆինանսական գիտելիքների, հմտությունների, դիրքորոշման և վերաբերմունքի համակցումն է, որն անհրաժեշտ է անձնական ֆինանսների կառավարման գործում ճիշտ որոշումներ կայացնելու և բարեկեցություն ապահովելու համար: Եվ առաrվել արդյունավետ է, որ այս ընկալումը մարդու մոտ առավել արմատավորվի դեռևս ուսանողական տարիքում»:
Հայաստանի Ֆրանսիական համալսարանի ուսանողների մասնակցությամբ Երևանի Անգլիական այգում կազմակերպված դասընթացների առաջին օրվա օրակարգում ներառվել են «Ամերիաբանկ» ՓԲԸ Անհատական ֆինանսական ծառայությունների և քարտերի վարչության ղեկավար Էլեն Դանիելյանի դասախոսությունը՝ «Բանկը իմ առաջին 5 հավելվածների շարքում» թեմայով, ինչպես նաև «Արմսվիսբանկ» ՓԲԸ Գործադիր տնօրենի տեղակալ – Բիզնեսի զարգացման դեպարտամենտի տնօրեն Արկադի Փինաչյանի դասախոսությունը՝ պարտատոմսերի և բանկային ավանդի ընդհանրությունների ու առանձնահատկությունների վերաբերյալ:
Հայաստանի պետական տնտեսագիտական համալսարանի ուսանողների մասնակցությամբ կազմակերպված ուսուցողական այս միջոցառման երկրորդ օրվա օրակարգում նախատեսվել են «ԱյԴի բանկ» ՓԲԸ-ի թվային ուղիներով վաճառքների բաժնի ղեկավար Հրաչյա Պապիկյանի և մարքեթինգի բաժնի ղեկավար Տաթևիկ Հովհաննիսյանի դասախոսությունը վճարային քարտերի և դրանց կիրառելիության մանրամասների վերաբերյալ, ինչպես նաև «Ամերիաբանկ» ՓԲԸ-ի Թվային բանկինգի ծառայության ղեկավար Գրիգոր Դավթյանի դասախոսությունը «Ի՞նչ է հեռահար բանկինգը» թեմայով:
Հայաստանի Ֆրանսիական համալսարանի արտաքին կապերի և որակի գծով պրոռեկտոր Արայիկ Նավոյանը դասընթացների առաջին օրվա բացման արարողթյան շրջանակներում իր շնորհակալական խոսքն է հղել կազմակերպիչներին՝ Հայաստանի բանկերի միությանը և առևտրային բանկերին, հետաքրքիր և բովանդակալից միջոցառում իրականացնելու համար: Բանախոսները պատասխանել են նաև ուսանողների կողմից բարձրացված տարբեր հարցադրումներին և տրամադրել անհրաժեշտ պարզբանումներ:
Մասնակիցները բարձ են գնահատել իրականացվող ծրագրի արդյունավետությունը և ընդգծել, որ բացօթյա այս դասընթացների գաղափարն ու թեմաների ընտրությունը մեծագույն հետաքրքրությամբ և ոգևորությամբ են ընդունվել ուսանողների կողմից:
Առաջիկայում շարունակվելու են Հայաստանի բանկերի միության նախաձեռնությամբ իրականացվող «Ֆինանսական գրագիտություն և հմտություններ» ծրագրով նախատեսված միջոցառումները:
Դիտումներ 821
ԱՄԵՆԱԿԱՐԴԱՑՎԱԾ ԼՈՒՐԵՐ
Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը
Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։
Նոր տուն՝ նոր հույսերով
2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:
Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք
Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։