Մուտք

Invalid username or password

Մոռացե՞լ եք գաղտնաբառը

2021 թ. համար նախանշված ՀՆԱ աճը կարտացոլվի տնտեսության բոլոր ճյուղերում. ԿԲ նախագահ

Վերադարձ լուրերի բաժին

ԿԲ նախագահ Մարտին Գալստյանն ԱԺ նիստում ներկայացրեց 2021 թ. պետական բյուջեի նախագծի վերաբերյալ Կենտրոնական բանկի եզրակացությունը։

Ըստ Գալստյանի՝ ՀՀ Կառավարության 2021 թ. մակրոտնտեսական կանխատեսումները ընդհանուր առմամբ բավականին մոտ են ԿԲ-ի գնահատականներին, ըստ որի շարունակվելու է համավարակի և ռազմական դրության բացասական ազդեցությունների չեզոքացումը, արտաքին և ներքին պահանջարկի աստիճանական վերականգնումը, ինչպես նաև հարկաբյուջետային քաղաքականության սահուն կոնսոլիդացիան և համարժեք դրամավարկային քաղաքականության իրականացումը։

«Համաձայն պետական բյուջեի հիմքում դրված ներկա սցենարի՝ 2021 թ. համար նախանշվել է ՀՆԱ-ի իրական աճ՝ 3,2 տոկոս, որն առաջարկի տեսանկյունից կարտացոլվի տնտեսության բոլոր ճյուղերում աճելով։ Հատկանշական է, որ տնտեսական աճի նախկինում ներկայացված սցենարը՝ 4,8 տոկոս, վերանայվել է, իր վրա կկրի ինչպես պահպանվող արտաքին թույլ պահանջարկի, այնպես էլ ռազմական դրության և կորոնավիրուսային համավարակի տարածման բացասական ազդեցությունները։ Գնահատվում է, որ համախառն պահանջարկը 2020 թ. համեմատ կդրսևորի վերականգնման միտումներ՝ պայմանավորված թե՛ ներքին սպառողական և թե՛ ներդրումային ծախսերի աճով։ 2020 թ. ընդլայնող հարկաբյուջետային քաղաքականությանը կհաջորդի 2021 թ. որոշակի զսպող քաղաքականության իրականացումը՝ առաջնորդվելով միջնաժամկետ պարտքի կայունության ապահովման սկզբունքով։ Ինչպես համավարակի և ռազմական դրության հետևանքների, այնպես էլ 2020 թ. կապիտալ պետական ներդրումների թերակատարումների ազդեցությամբ կդիտարկվի ներուժային համախառն ներքին արդյունքի որոշակի կորուստ։ 2021 թ. համար չափազանց կարևորում ենք ներուժային տնտեսական աճի արագացմանն ուղղված հարկաբյուջետային քաղաքականության իրականացման ապահովումը»,- ասաց Գալստյանը։

ԿԲ նախագահի խոսքով՝ 2021 թ. տնտեսության որոշակի վերականգնմանը և ստվերի կրճատմանն ուղղված վարչարարության շարունակական իրականացման արդյունքում գնահատվում է, որ 2021 թ. հարկերը ՀՆԱ-ում կաճեն 0,3 տոկոսային կետով, արդյունքում՝ պետական բյուջեի եկամուտները համախառն պահանջարկի վրա ևս կունենան զսպող ազդեցություն։

«2021 թվականին, չնայած թույլ զսպող հարկաբյուջետային քաղաքականության իրականացմանը, նախատեսվում է ՀՆԱ-ում ՀՀ Կառավարության պարտքի 1.1 տոկոսային կետ աճ: Պարտքի բեռի նման վարքագիծը, երբ աստիճանական նվազման ուղեգծով միայն միջնաժամկետ հատվածում է նախանշվում պարտք – ՀՆԱ հարաբերակցության նվազում 60 տոկոս շեմային ցուցանիշից, արտահայտվում է ստեղծված մարտահրավերներին կառավարության արձագանքի անհրաժեշտությունից: Միևնույն ժամանակ, կարծում ենք, որ այն շարունակում է մնալ համահունչ միջնաժամկետ հատվածում պարտքի կայունության ապահովման ՀՀ կառավարության որդեգրած սկզբունքներին: Ներկա մարտահրավերների պայմաններում կարևորում ենք հատկապես ծախսերի կառուցվածքի բարելավման և եկամուտների ավելացման ուղղությամբ հետևողական քայլերի իրականացումը՝ միաժամանակ շեշտադրելով երկարաժամկետ տնտեսական աճի համար անհրաժեշտ խթանների ապահովման անհրաժեշտությունը»,- ասաց ԿԲ նախագահը:

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Ապառիկ վարկերի ակցիա գարնանային տոների նախօրեին

ՎՏԲ-Հայաստան Բանկն առաջարկում է ապառիկ վարկեր տարատեսակ ապրանքների և ծառայությունների ձեռքբերման համար՝ սկսած 30 հազ. ՀՀ դրամից մինչև 1,5 մլն. ՀՀ դրամ գումարի չափով, տարեկան՝ 0% -ից մինչև 21,5% տոկոսադրույքով (փաստացի տոկոսադրույք՝ 18,7% -24%), 3-60 ամիս վարկի գործողության ժամկետով:

Կոնվերս Բանկը ճանաչվել է «Առեւտրի ֆինանսավորող լավագույն բանկը Հայաստանում» ըստ Global Finance-ի

Կոնվերս Բանկին առևտրի ֆինանսավորման ոլորտում բազմիցս շնորհվել են պատվավոր մրցանակներ՝ այդ թվում երկու տարի անընդմեջ Բանկն արժանացել է ՎԶԵԲ-ի «Տարվա գործարք- Կանաչ առևտուր» և Commerzbank AG բանկի «Trade Finance Award» մրցանակներին:

Ընդլայնվում է հակաճգնաժամային 25-րդ միջոցառման շահառուների ցանկը

Վարչապետ Նիկոլ Փաշինյանը հավելեց, որ եթե նախկինում մինչև 7 նստատեղ ունեցող ավտոմեքենաներով բիզնես անողները չէին կարող օգտվել ծրագրից, այս փոփոխությամբ արդեն կարող են: