Մուտք

Invalid username or password

Մոռացե՞լ եք գաղտնաբառը

2019 թ. առաջին եռամսյակում ներգնա տուրիզմի աճի տեմպը նվազել է

Վերադարձ լուրերի բաժին

13:01 , 14 Մայիս 2019

Ըստ ՀՀ Ազգային վիճակագրական ծառայության (ԱՎԾ)՝ այս տարվա առաջին եռամսյակում մեր երկրի ներգնա տուրիզմի հավելաճը նախորդ տարվա նույն ժամանակահատվածի համեմատ կազմել է 5,2% կամ 18031 զբոսաշրջիկ: Հունվար-մարտ ամիսներին Հայաստան է ժամանել 364489 զբոսաշրջիկ, իսկ 2018 թ. նույն ժամանակահատվածում՝ 346458-ը։ Անցած տարվա առաջին եռամսյակում հավելաճը եղել է 15,7% կամ 46925 զբոսաշրջիկ: Ներկայացված աղյուսակից պարզ է դառնում, որ նախորդ տարվա հետ համեմատած՝ հավելաճը զգալիորեն դանդաղել է:

armstat_domestic_tourism
«Մոդեքս» խորհրդատվական ընկերության մասնագետների հաշվարկով՝ եթե պահպանվեր նախորդ տարվա հավելաճի տեմպը, զբոսաշրջությա արժեշղթան կունենար նվազագույնը 23,1 միլիոն դոլարին համարժեք դրամի հասույթ: Հավելաճի նման դանդաղման կարևոր պատճառներից մեկը մասնագետները նշում են այս տարի Իրանից ժամանող զբոսաշրջիկների թվի կրճատումը:

2017 թ. առաջին եռամսյակում ներգնա տուրիզմի հավելաճը կազմել է 18,6 %: 2016 թ. նույն ժամանակահատվածում հավելաճը եղել է 8,6%: 2015 թ. առաջին եռամսյակում ներգնա զբոսաշրջության հավելաճը եղել է -4%: 2015-2019 թթ. առաջւն կիսամյակների ընթացքում գրանցված ներգնա զբոսաշրջության հավելաճը համեմատելիս պարզ է դառնում, որ ամենադանդաղ հավելաճն արձանագրվել է 2015 թ.: Հաջորդ տարիների ընթացքում տուրիզմի հավելաճի տեմպը տարվա առաջին եռամսյակի ընթացքում ավելացել է: Սակայն 2018-2019 թթ. տվյալներն ուսումնասիրելով՝ պարզ է դառնում, որ հավելաճի տեմպի հապաղում է արձանագրվել: Պատճառները, թերևս, դեռ պետք է հետազոտեն և պարզեն մասնագետները: Գործոնները կարող են լինել տարբեր:

Ըստ ՄԱԿ-ի զբոսաշրջության համաշխարհային կազմակերպության (ԶՀԿ) մեթոդաբանության (International Recommendations for Tourism Statistics 2008, Compilation Guide, UN WTO, Madrid, November 2010)՝ միջազգային զբոսաշրջիկ է համարվում ցանկացած անձը, որը հանգստանալու, բուժվելու, հարազատներին այցելելու, գործնական, կրոնական կամ այլ նպատակներով ճանապարհորդում է իր հիմնական բնակության վայրից մեկ այլ վայր ոչ պակաս քան 24 ժամ և ոչ ավել քան անընդմեջ 1 տարի ժամանակով: Այսինքն` նրա հիմնական նպատակը ճանապարհորդելն է, այլ ոչ թե աշխատանքային գործունեությամբ զբաղվելը, որի դեպքում ուղևորության համար վճարումները կկատարվեին ժամանած վայրում աշխատանքային գործունեությունից ստացված ֆինանսական միջոցների հաշվին:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանում գնաճը կառավարելի է

Ներսես Երիցյանը նկատել է, որ շատ անգամ քաղաքացիները դժգոհում են գնաճից։ Ըստ նրա՝ պատճառն այն է, որ մի քանի ապրանքներ, որոնք այդ խումբը սպառում է, ավելի շատ են թանկացել։

Առևտրային բանկերի ընդամենը վճարած հարկերի միջինը 3.4 անգամ գերազանցում է մնացած կազմակերպությունների միջին ցուցանիշին

2018 թ. առաջին եռամսյակին այս ցուցանիշը՝ 494 մլն դրամ, ևս գերազանցում է մնացած կազմակերպությունների միջինը, որը կազմել է 49 մլն դրամ:

Օլեգ Սմիրնովը գլխավորել է ՎՏԲ -Հայաստան Բանկի խորհրդը

2018 թ. նոյեմբերից աշխատում է ՎՏԲ խմբում: