Մուտք

Invalid username or password

Մոռացե՞լ եք գաղտնաբառը

2019 թվականի պետբյուջեն այս տարի կարող է չհաստատվել. ինչ կարող է լինել այդ դեպքում

Վերադարձ լուրերի բաժին

17:25 , 24 Մայիս 2018

Վարչապետ Նիկոլ Փաշինյանն այսօր հայտարարել է, որ արտահերթ խորհրդարանական ընտրությունների անցկացումը տեսնում է աշնանը։

Մարդկային զարգացման միջազգային կենտրոնի փորձագետ, տնտեսագետ Աշոտ Խուրշուդյանն այս կապակցությամբ նշում է, որ եթե ընտրություններն իրոք անցկացվեն աշնանը, ապա չի բացառվում, որ 2019 թվականի պետական բյուջեն այս տարի չհաստատվի։

«Նման իրավիճակ եղել է 1999 թվականի բյուջեի հետ։

Հիշեցնեմ, առնվազն հոկտեմբերին բյուջեի նախագիծը պիտի մտնի հանձնաժողովներ, որպեսզի դեկտմբերին մտնի ԱԺ լիագումար նիստ ու հաստատվի։ Կարճ ասած, եթե բյուջետային գործընթացի ժամանակացույցը համեմատում ենք ԱԺ արտահերթ ընտրությունների գործընթացի ժամանակացույցի հետ, առնվազն երկու տարբեր պատգամավորներ են առնչվելու բյուջեի քննարկման հետ։ Սա նշանակում է, որ, այնուամենայնիվ բյուջեն կհաստատվի հաջորդ տարի։

Հիմա ասածս։ Քանի որ ցավոք սրտի մեր բյուջեն զրոյական հիմքով է, այսինքն ամեն անգամ վերահաստատվում է, ապա նման դեպքերի լուծում է առաջադրված հետևյալ հոդվածը «Մինչև բյուջետային տարվա սկիզբը պետական բյուջեն չհաստատվելու դեպքում` ծախսերը կատարվում են նախորդ տարվա բյուջեի համամասնություններով»։

Ասեմ, որ կտրուկ փոփոխվող բյուջեների դեպքում սա խնդրահարույց է, և այդպես էր 1999 թվականին։ Այն ժամանակ ես պնդում էի, որ չի կարելի օրենքը խախտել, որ պետք է պահել համամասնությունները, սակայն ինձ հրահանգվեց կատարել ծախսերը նոր, թեպետ չհաստատված բյուջեով։ Կարճ, այս դրույթի կարիքը մեկ անգամ է զգացվել ու չի իրագործվել։ Ազնվորեն ասեմ, թեպետ դրա իրագործման ջատագովն եմ եղել, ինքս էլ հասկացել եմ, որ աբսուրդ է այն այդպես օգտագործելը։ Այն իրագործելը հավասարազոր է ամերիկյան government shutdown սխեմային, ու ինձ թվում է, որ Հայաստանը պատրաստ չի սրան։

Այս փոքրիկ հարցը շատ կարևոր է, որ հասկանանք, օրինապաշտ երկի՞ր ենք կառուցում, թե՞ որոշում ենք օրենքը շրջանցել հանուն խոհեմության։ Բյուջեն հաստատելը պառլամենտական վերահսկողության ուժեղագույն գործիքն է, և բյուջեն պարզապես տեխնիկական գումարում-հանում չի, այնտեղ են որոշվում իշխանական շատ հարաբերություններ ու հակակշիռներ», – ֆեյսբուքի իր էջում գրել է Աշոտ Խուրշուդյանը։

UCOM-ն ահազանգում է. ՀԾԿՀ-ն անհավասար պայմաններ է առաջարկում կապի օպերատորներին

«Յուքոմ» ընկերությունն անընդունելի է համարում միևնույն ռեսուրսի օգտագործման թույլտվության համար մեկնարկային գինը մեկ օպերատորի համար սահմանել

Հունվարի 1-ից փոխվելու են առանց մաքսային վճարների ներմուծվող անձնական օգտագործման ապրանքների արժեքային և բնաիրային չափերը. ՊԵԿ

2019 թվականի հունվարի 1-ից առանց մաքսատուրքերի ու հարկերի վճարման ներմուծվող ապրանքների արժեքային չափը կրճատվելու է 3 անգամ, իսկ կշիռը՝ 2 անգամ:

Զինվորականները վարկերի սպասարկման համար կրկնակի անգամ քիչ կվճարեն

Առաջիկա որոշումներով կառավարությունը պատրաստվում է վերակառուցել ԶՈւ մի քանի հազար սպաների եւ ենթասպաների նախկինում վերցրած վարկերը: