Մուտք

Invalid username or password

Մոռացե՞լ եք գաղտնաբառը

2018 թվականի պետբյուջեի 5 գերակայությունները

Վերադարձ լուրերի բաժին

14:25 , 16 Նոյեմբեր 2017

Ֆինանսների նախարար Վարդան Արամյանը խորհրդարանում ներկայացրել է 2018 թ. պետական բյուջեի նախագծի 5 հիմնական գերակայությունները՝ պատասխանելով ՀՀԿ խմբակցության պատգամավոր Կորյուն Նահապետյանի հարցին։ Բյուջե-2018-ի 5 գերակայություններն են.

1. Հարկային հավասարակշռված քաղաքականության իրականացում

«Այն գործիքակազմը, որը մենք ներդնելու ենք այս ուղղությամբ ճիշտ քաղաքականություն իրականացնելու, պետք է արդյունք տա: Մենք սրան ենք գնալու»,- նշել է նախարարը:

2. Արտաքին պարտքի կայունություն

«Մենք պետք է պարտքը կայունացնենք, որպեսզի կարողանանք ճիշտ ազդակներ ուղարկել ներդրողներին, ինչը հնարավորություն կտա նոր ներդրումներ ներգրավել և տնտեսական աճ ապահովել: Մենք 2018 թ. նախատեսում ենք 1 տոկոսային կետով նվազեցնել արտաքին պարտք-ՀՆԱ ցուցանիշը»,- մանրամասնել է Վարդան Արամյանը:

3. Սոցիալական խնդիրների նվազեցում

Երրորդ գերակայությունը սոցիալական խնդիրների նվազեցումն է՝  հատկապես այն համայնքներում, որոնք ավելի շատ խնդիրներ ունեն: «Մասնավորապես, խոսքը գյուղական համայնքների մասին է: Մենք պետք է կարողանանք գյուղերում ապրող մարդկանց համար եկամուտ գեներացնելու հնարավորություն ստեղծել, դրա համար շուրջ 40 տոկոսով ավելացրել ենք գյուղատնտեսության ոլորտի հատկացումները»,- ասել է Արամյանը:

4. Անվտանգություն

5. Տնտեսական աճ

Հինգերորդ գերակայությունն, ըստ նախարարի, տնտեսական աճն է: «…Սակայն այնպիսի տնտեսական աճը, որը պետք է լինի ներառական: Այսինքն, մենք պետք է ջանքեր գործադրենք, որ հասարակության ավելի լայն շերտեր մասնակցեն մեր տնտեսական կյանքին, ոչ թե մեկ կամ երկու ոլորտում ունենանք զարգացում»,- ասել է նախարարը:

ԱՄԵՆԱԿԱՐԴԱՑՎԱԾ ԼՈՒՐԵՐ

«Ելք»-ը վարչապետի պաշտոնում կառաջադրի Նիկոլ Փաշինյանի թեկնածությունը իրավական գործընթացն ապահովելու համար

«Իրավաբանների հետ խորհրդկացության արդյունքում որոշեցինք վարչապետի թեկնածու առաջադրել»,-ասել է Գորգիսյանը:

ԿԲ հայտարարությունը՝ հիփոթեքային վարկավորման ծրագրերի մասին

Ներկայումս «Երիտասարդ ընտանիքին՝ մատչելի բնակարան» պետական նպատակային ծրագրի ներքո վարկերը տրամադրվում են առավելագույնը 7.5%-ով

Սեպտեմբերյան տնտեսական ակտիվության աճը ավելի մոտեցավ զրոյին

ՀՀ վիճակագրական կոմիտեն հրապարակել է 2018 թվականի հունվար-սեպտեմբերի նախնական մակրոտնտեսական ցուցանիշները։