Մուտք

Invalid username or password

Մոռացե՞լ եք գաղտնաբառը

2016 թվականին Հայաստանի խոշորագույն հարկատուն կլինի «Գազպրոմ Արմենիան»

Վերադարձ լուրերի բաժին

19:28 , 16 Դեկտեմբեր 2016

Հայաստանում խոշոր հարկ վճարողների հարկային տեսչությունը 2016 թվականը կամփոփի նախորդ տարվա համեմատ հարկային եկամուտների 5,2 տոկոս աճով: Այս մասին դեկտեմբերի 16-ին լրագրողների հետ հանդիպման ժամանակ տեղեկացրեց խոշոր հարկ վճարողների հարկային տեսչության պետ Ռաֆիկ Մաշադյանը: Նրա խոսքով` խոշոր հարկ վճարողների ՀՏ-ում հաշվառված կազմակերպությունների հարկային եկամուտները 2016 թվականին կկազմեն շուրջ 436,5 մլրդ դրամ, ինչը կգերազանցի նախորդ տարվա ցուցանիշը 21,7 մլրդ դրամով:

«Խոշոր հարկ վճարողների ցանկը հարկային եկամուտների մասով կգլխավորի «Գազպրոմ Արմենիա» ՓԲԸ-ն: Երկրորդ խոշոր հարկատուն «ՀԷՑ»-ն է, այնուհետև «Գրանդ Տոբակո» հայ-կանադական համատեղ կազմակերպությունը, չորրորդ ու հինգերորդ տեղերում, համապատասխանաբար, կապի ոլորտը ներկայացնող «Ղ-տելեկոմ» և «Արմենիա թելեքոմ քոմփանի» կազմակերպությունները: Նախորդ տարվա համեմատ առաջին հնգյակից դուրս է եկել «Զանգեզուրի պղնձամոլիբդենային կոմբինատը», դրա փոխարեն ցուցակում հայտնվել է «Գրանդ Տոբակո» հայ-կանադական համատեղ կազմակերպությունը: Առաջին հինգ խոշոր հարկատուների կողմից բյուջե կվճարվի շուրջ 17 մլրդ դրամով պակաս հարկային եկամուտ, քան նախորդ տարի: Չնայած դրան` ամբողջ եկամուտների մասով կունենանք աճ»,– ասաց Ռաֆիկ Մաշադյանը:

ԱՄԵՆԱԿԱՐԴԱՑՎԱԾ ԼՈՒՐԵՐ

Գևորգ Աճեմյանը պաշտոնանկ է արվել «Աշտարակ կաթ»-ի թեմայի պատճառով

Հրապարակման մեջ նաև նշվում էր, որ պաշտոնյան սպառնացել էր հակառակ դեպքում գործին խառնել ԱԱԾ-ին։

Կա հրահանգ, որ ՓՄՁ-ների հարկային վարչարարությամբ չի կարելի ավելորդ ծանրաբեռնել. ՊԵԿ նախագահ

ՊԵԿ նախագահը պատրաստ է անգամ կոշտ ձևերով հասկացնել, որ ՓՄՁ-ներին հարկային վարչարարությամբ չպետք է ծանրաբեռնել

Կասեցվել է Եղվարդի նավթավերամշակման գործարանի շինարարությունը

Բնապահպանության և ընդերքի տեսչական մարմնի ղեկավար Արթուր Գրիգորյանը հուլիսի 16-ին կայացրել է նավթավերամշակման գործարանի շինարարությունը կասեցնելու մասին որոշում