Մուտք

Invalid username or password

Մոռացե՞լ եք գաղտնաբառը

2015 թվականի բյուջեն ամբողջությամբ կատարվել է

Վերադարձ լուրերի բաժին

12:33 , 23 Մայիս 2016

ՀՀ ֆինանսների փոխնախարար-գլխավոր գանձապետ Ատոմ Ջանջուղազյանն այսօր Ազգային ժողովում ներկայացրել է 2015 թվականի պետական բյուջեի կատարողականի հիմնական ցուցանիշները: Նշենք, որ ԱԺ մշտական հանձնաժողովների համատեղ նիստին մասնակցում են ԱԺ նախագահ Գալուստ Սահակյանն ու վարչապետ Հովիկ Աբրահամյանը։

Նա նշել է, որ 2015թ. ՀՀ տնտեսական աճը կազմել է 3%՝ կրելով հիմնական գործընկեր երկրների տնտեսական անբարենպաստ զարգացումների, մետաղների միջազգային գների նվազման, Ռուսաստանից ներհոսող դրամական փոխանցումների կրճատման արդյունքում իրական տնօրինվող եկամտի նվազման, ինչպես նաև տնտեսությունում վարկավորման մակարդակի նվազման ազդեցությունը։

Ֆինանսների փոխնախարարը տեղեկացրել է, որ 2015 թվականին գրանցվել է ՀՆԱ-ի 3% աճ: ՀՆԱ-ի աճին նպաստել են գյուղատնտեսությունը` 2.1 տոկոսային կետով, արդյունաբերությունը` 1 տոկոսային կետով, և ծառայությունները` 0.8  տոկոսային կետով, իսկ շինարարության մասնակցությունը եղել է զրոյական:

Պետական բյուջեի պակասուրդը 2015թ. կազմել է ՀՆԱ-ի 4.8%-ը` նախորդ տարվա 1.9%-ի համեմատ: Պակասուրդի ֆինանսավորման գերակշիռ մասը կատարվել է արտաքին աղբյուրներից միջոցների ներգրավմամբ, պետական պարտք/ՀՆԱ ցուցանիշը կազմել է 48.7%:

2015 թվականի արտաքին պետական պարտք/ՀՆԱ ցուցանիշը կազմել է 41.4%: Արտաքին ապրանքաշրջանառությունը 2015 թվականին կազմել է 4740.9 մլն ԱՄՆ դոլար` նախորդ տարվա համեմատ նվազելով շուրջ 20.6%-ով:

«Այն առաջադրանքները, որոնք նախատեսվել են, կատարվել են ամբողջությամբ»,- ասել է Ա.Ջանջուղազյանը` հավելելով, որ մակրոտնտեսական ցուցանիշներն այնքան էլ բարվոք չեն եղել:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկը մեկնարկում է արտարժութային վարկեր փոքր բիզնեսի համար

ՎՏԲ-Հայաստան Բանկը մեկնարկել է ձեռնարկատերերին ԱՄՆ դոլարով և Եվրոյով վարկերի տրամադրման նախագիծը՝ համապատասխանաբար 8,5% և 6,5% տարեկան տոկոսադրույքներով։

Unity՝ «Շնորհավո՜ր նոր տարիֆ». Ucom-ը հանդես է եկել բոլոր ժամանակների իր լավագույն առաջարկով

Հավելենք, որ մինչև 2022 թվականի հունվարի 31-ը Unity 12000 և Unity 9000 մարզային տարիֆներին բաժանորդագրվելու դեպքում գործում է հատուկ առաջարկ։

Առանց գրավ բիզնես վարկեր` մինչև 25,000 ԱՄՆ դոլար

Տրամադրվում են նաև արտոնյալ պայմաններով գրավով վարկեր մինչև 150,000 ԱՄՆ դոլար կամ համարժեք ՀՀ դրամ՝ գրավի առկայության դեպքում գրավային արժեքի մինչև 150%-ի չափով։