Մուտք

Invalid username or password

Մոռացե՞լ եք գաղտնաբառը

200 գերխոշոր ընկերությունները ապահովել են ՀՀ հարկային մուտքերի կեսը

Վերադարձ լուրերի բաժին

00:01 , 02 Նոյեմբեր 2016

Հանրապետության 1000 խոշորագույն հարկատուները միասին 2016 թվականի հունվար-սեպտեմբեր ամիսներին պետբյուջե են վճարել շուրջ 525 մլրդ դրամ՝ նախորդ տարվա 515.4 մլրդի դիմաց։

Փաստորեն, 1000 խոշորները հարկերն ավելացրել են 9.5 մլրդ դրամով կամ 1.85%-ով։

Հարկ է նշել, որ նույն ժամանակահատվածում պետբյուջեի ընդհանուր հարկային եկամուտները աճել են ընդամենը 0.02%-ով կամ 200 մլն դրամով (2016թ. առաջին 9 ամիսներին հարկային եկամուտները կազմել են 787.5 մլրդ դրամ)։

Սա նշանակում է, որ բյուջեի կատարման հիմնական բեռն ընկել է հենց խոշոր հարկ վճարողների ուսերին։

Ընդհանուր առմամբ, 100 խոշոր հարկատուներին բաժին է ընկնում ընդհանուր հարկերի 2/3-ը։ Իսկ միայն առաջին 100 տեղերը զբաղեցնող հարկատուները (այդ թվում՝ Գազպրոմ-Արմենիա, Գրանդ-Տոբակո և այլն) ապահովել են ընդհանուր հարկային մուտքերի կեսը՝ շուրջ 393 մլրդ դրամ։

xoshor1

1000 խոշոր հարկատուների վճարած հարկերի մեծ մասը հավաքագրվել է հարկային մարմինների կողմից (392.8 մլրդ դրամ)։ Մաքսային մարմինները հավաքել են 132.1 մլրդ դրամ։

Ընդ որում, հարկային մարմինների կողմից հավաքագրված հարկերը հաշվետու ժամանակահատվածում աճել են 23.4 մլրդ դրամով կամ 6.3%-ով, իսկ մաքսային մարմինների կողմից հավաքագրված հարկերը՝ նվազել 13.9 մլրդ դրամով կամ 9.5%-ով։

Ինչ վերաբերում է առանձին հարկատեսակներին, ապա տեսակարար կշռով շարունակում են գերակշռել անուղղակի հարկերը։ Այսպես, 2016 թվականի առաջին 9 ամիսներին խոշոր հարկ վճարողներից հավաքագրվել է 264.7 մլրդ դրամ անուղղակի հարկ, որը նրանց վճարած հարկերի կեսից ավելին է (50.4%)։ Ուղղակի հարկերի տեսակարար կշիռը 38.4% է (201.8 մլրդ դրամ)։

xoshor2

Ընդ որում, 1000 խոշոր հարկատուների վճարած հարկերի կառուցվածքում անուղղակի հարկերի տեսակարար կշիռը նախորդ տարվա համեմատ նվազել է ավելի քան 4%-ային կետով։ Պատճառը անուղղակի հարկերի նվազումն է (պայմանավորված հիմնականում ներմուծումից գանձվող ԱԱՀ-ի նվազմամբ) և ուղղակի հարկերի աճը։

Ինչպես տեսնում եք գծապատկերում, 2016թ. հունվար-սեպտեմբերին խոշոր հարկատուների կողմից վճարված անուղղակի հարկերը նվազել են 6.15%-ով (կամ՝ 17.3 մլրդ դրամով), իսկ ուղղակի հարկերն աճել են 16.6%-ով (կամ՝ 28.8 մլրդ դրամով)։

xoshor3

ԱՄԵՆԱԿԱՐԴԱՑՎԱԾ ԼՈՒՐԵՐ

Կփոխհատուցվեն Սյունիքի և Գեղարքունիքի մարզերի բնակիչների անշարժ գույքին հասցված վնասները

Գործադիրը կփոխհատուցի Ադրբեջանի կողմից հրետակոծության հետևանքով ՀՀ համայնքներում քաղաքացիների անշարժ գույքին հասցված վնասները:

Կենտրոնացած եմ ճանապարհային քարտեզի խնդիրները հնարավորինս արագ լուծելու ուղղությամբ. Առաքելյան

Նախարարը նաև ասաց, որ Արցախի այն քաղաքացիներին, որոնք պատերազմի հետևանքով կորցրել են իրենց բնակավայրերը, կառավարությունն աջակցում է Արցախ վերադառնալու և մշտական բնակություն հաստատելու՝ նոր բնակավայրերում ու կացարաններում:

Կառավարությունը կփոխհատուցի արցախցիներին հյուրընկալողների ծախսերը

Փոխհատուցում ստանալու համար հյուրընկալող կողմը պետք է դիմի նախարարություն էլեկտրոնային եղանակով՝ կցելով նաև այն քաղաքացիների տվյալները, որոնց հյուրընկալում է: