Մուտք

Invalid username or password

Մոռացե՞լ եք գաղտնաբառը

20 դրամով ներմուծված դիմակը չի վաճառվում 200 դրամով

Վերադարձ լուրերի բաժին

Հայաստանում բժշկական պաշտպանիչ դիմակների և ձեռնոցների շուկայում հարուցված վարույթները մոտ ժամանակներում կավարտվեն: Սակայն Հայաստանում չկա դեպք, երբ 20 դրամով ներմուծված դիմակը վաճառված լինի 200 դրամով: Այդ մասին ԱԺ-ում լրագրողների հետ զրույցում վստահեցրեց ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը:

«Երեք շուկաներում՝ դիմակի, ձեռնոցի, ալկոգելի, ուսումնասիրությունները շարունակվում են: Բժշկական կամ պաշտպանիչ դիմակների շուկայում և լատեքս ու նիտրի ձեռնոցների շուկայում ունենք հարուցված վարույթներ: Առաջին լսումը տեղի է ունեցել: Հիմա նորից տնտեսավարողները տեղեկատվություն են ներկայացնելու: Կարծում եմ՝ մոտ ժամանակներում վարույթի ավարտը տեղի կունենա և կհայտնենք»,-ասաց Գևորգյանը:

ՏՄՊՊՀ-ն նկատել էր, որ գնի որոշակի բարձրացում կա: Եվ այդ բարձրացման հիման վրա գերիշխող դիրքի չարաշահման փաստի ուժով հարուցել են վարույթներ: Այն ժամանակահատվածը, որ ՏՄՄՊՀ-ն դիտարկել է, դիմակի գները եղել են 220 դրամի կարգի: Հանձնաժողովը դիտարկում է ողջ շղթան, թե Հայաստան որքանով է ներմուծվում, որքանով է մեծածախ և մանրածախ վաճառք իրականացվում: «Բայց մի բան հստակ կարող եմ փաստել, որ ՀՀ-ում չկա դեպք, երբ 20 դրամով դիմակ ներմուծված լինի և վաճառված լինի 200 դրամով: Այսինքն՝ հաշվի առնելով աշխարհում դիմակների դեֆիցիտը, Հայաստան ներկրվել է մոտ 10 անգամ բարձր գնով դիմակ, և դա ամբողջ աշխարհում: ԵԱՏՄ մյուս երկրներում նույն վիճակն է»,-ասաց Գևորգյանը:

Նա հիշեցրեց, որ Հայաստանում որոշակի քայլեր ձեռնարկելուց հետո գինը բավականին իջել է: Մետրոպոլիտենի կայարաններում ավտոմատ համակարգի ապարատների միջոցով 2 դիմակը վաճառվում է 200 դրամով: «Բայց անկախ ամեն ինչից, մենք անպայման կնայենք, կհասկանանք՝ արդյոք մարժաների փոփոխություն տեղի ունեցե՞լ է, թե ոչ, և արդյոք դրանք արդարացվա՞ծ են: Եթե գտնենք, որ տնտեսավարողները չարաշահել են իրենց դիրքը, անպայման պատասխանատվության կենթարկվեն»,-վստահեցրեց ՏՄՄՊՀ նախագահը:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան

Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:

Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները

ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:

ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը

ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։