Մուտք

Invalid username or password

Մոռացե՞լ եք գաղտնաբառը

Դդմաշենում հիմնվող խնձորի ինտենսիվ այգին կապահովի հարյուրավոր աշխատատեղեր

Վերադարձ լուրերի բաժին

12:26 , 25 Փետրվար 2019

Գեղարքունիքի մարզի Դդմաշեն համայնքում հիմնվում է խնձորի ինտենսիվ եւ մեծ այգի: Այն մեծապես կնպաստի համայնքի զարգացմանը՝ ապահովելով հարյուրավոր աշխատատեղեր: «Արմենպրես»-ի տեղեկացմամբ՝ ծրագրի ընթացքին ծանոթանալու նպատակով Գեղարքունիքի մարզպետ Գնել Սանոսյանն այցելել է Դդմաշեն: Ինտենսիվ այգու հիմնման ծրագիրն իրականացնող ընկերության տնօրեն Ռոբերտ Կոծինյանը ներկայացրեց, որ ծրագրի մեկնարկը տրվել է 2018 թվականի ապրիլին: 30 հեկտարի վրա անցկացվել է կաթիլային ոռոգման համակարգ, տեղադրվել հակակարկտային ցանցեր: Ծառատունկը կիրականացվի այս տարվա ապրիլին:

Ծառատնկման ավարտից հետո ծրագրի իրականացման ուղղությամբ կատարված ներդրումը կկազմի գրեթե 2 միլիարդ դրամ: «Նախատեսված է տնկել ու խնամել 3 տեսակի խնձորի 110 հազար ծառ: Ինտենսիվ այգուն կից հիմնվում է սառնարանային տնտեսություն, որը հնարավորություն կտա 12-14 ամիս ժամկետով պահպանել մոտ 4 հազար տոննա խնձորի բերք: Սառնարանային տնտեսության ստեղծման նախագծի իրականացման համար կներդրվի 2,2 միլիարդ դրամ: Ինտենսիվ այգու հիմնադիր ընկերությունն ապահովելու է 50-60 աշխատատեղ: Այգու գործարկման դեպքում այնտեղ կլինի 100 մշտական եւ 250 ժամանակավոր աշխատատեղ: Հիմնականում ընդգրկվելու են տեղի բնակիչները: Պտղի ստացումը գործարարներն ակնկալում են առաջիկա 3-4 տարվա ընթացքում:
Մարզպետ Գնել Սանոսյանը հավաստիացրեց, որ կառավարությունը խրախուսելու է ծրագրի հետագա ընթացքը, իսկ Գեղարքունիքի մարզպետարանը ցուցաբերելու է պահանջվող աջակցությունը ի հայտ եկած հարցերում: «Այս ծրագրի հաջող ընթացքն ու հետագա շարունակությունը խթան կհանդիսանան, որ մարզի մյուս համայնքներում եվս կատարվեն համապատասխան ներդրումներ ինչպես պտղաբուծության, այնպես էլ գյուղատնտեսության ու արդյունաբերության մի շարք ճյուղերում: Բոլոր ներդրումները մեր կողմից կլինեն օրենքով պաշտպանված եւ խրախուսվող»,-նշել է մարզպետը:

ԱՄԵՆԱԿԱՐԴԱՑՎԱԾ ԼՈՒՐԵՐ

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը: