Մուտք

Invalid username or password

Մոռացե՞լ եք գաղտնաբառը

13 երկրներ, որտեղ թույլատրված է արձակուրդն անցկացնել Ռուսաստանի ոստիկաններին. Հայաստանը ցանկում է

Վերադարձ լուրերի բաժին

00:35 , 13 Հունվար 2018

2018 թվականին Ռուսաստանի ՆԳՆ-ը կրճատել է այն երկրների ցանկը, որտեղ կարող են այցելել համակարգի աշխատակիցները

Ռուսաստանի ՆԳՆ-ն հաստատել է այն երկրների ցանկը, որտեղ կարող են արձակուրդներն անցկացնել այս գերատեսչության աշխատակիցները։ Այս մասին, ըստ RBC-ի, տեղեկացնում է Ռուսաստանի տուրօպերատորների ասոցիացիան՝ հղում անելով ՌԴ ՆԳ նախարար Վլադիմիր Կոլոկոլցևի կողմից 2017-ի դեկտեմբերի վերջին ստորագրված հանձնարարականին։

Այսպես, Ռուսաստանի ՆԳՆ աշխատակիցներին թույլատրվել է 2018 թվականին արձակուրդն անցկացնել 13 երկրներում։ Դրանց թվում են Հայաստանը, Ադրբեջանը, Ղազախստանը, Ղրղզստանը, Բելառուսը, Տաջիկստանը, Թուրքմենստանը, Ուզբեկստանը, ինչպես նաև միջազգայնորեն չճանաչված Հարավային Օսիան և Աբխազիան։

Հեռավոր արտասահմանի երկրներից ցանկում ներառվել են ընդամենը երեքը՝ Վիետնամը, Չինաստանը և Կուբան. այս երկրներում կարելի է ծովափնյա հանգիստն անցկացնել տարվա բոլոր եղանակներին։

Ցանկից դուրս են մնացել Թուրքիան, Եգիպտոսը, Մարոկկոն, Թունիսը, Թաիլանդը և մի քանի այլ երկրներ, որտեղ թույլատրված էր այցելել 2015 և 2016 թվականներին։

Ցանկը կազմվել է՝ հաշվի առնելով երկրների ռազմաքաղաքական, սանիտարա-համաճարակային, բնակլիմայական հանգամանքները և հանցավորության մակարդակը։

Նշենք, որ ՌԴ ՆԳՆ աշխատակիցների թիվը մոտավորապես 750 հազար է։ Չի բացառվում, որ Թուրքիայի, Եգիպտոսի և զբոսաշրջային մյուս ուղղությունները փակելը անուղղակիորեն նպաստի Ռուսաստանից դեպի Հայաստան զբոսաշրջիկների հոսքի աճին։

ԱՄԵՆԱԿԱՐԴԱՑՎԱԾ ԼՈՒՐԵՐ

Եկամուտների քաղաքականության կատարելագործման ընդլայնված հասարակական խորհրդի քննարկումները շարունակվում են

ՀՀ ֆինանսների նախարարությունում տեղի է ունեցել եկամուտների քաղաքականության կատարելագործման ընդլայնված հասարակական խորհրդի հերթական նիստը

ԿԲ-ն հուշագիր է ստորագրել Արժեթղթերի հանձնաժողովների միջազգային կազմակերպության հետ

ԿԲ-ն պաշտոնապես ներառվել է Արժեթղթերի հանձնաժողովների միջազգային կազմակերպության հուշագրի Հավելված Ա-ի ցանկում:

Ամանորի նախաշեմին ՎիվաՍել-ՄՏՍ-ի բջջային ցանցում բաժանորդների կողմից օգտագործված ինտերնետ թրաֆիկի ծավալը կրկնակի աճել է

Ինտերնետ թրաֆիկի ծավալի աճը հիմնականում պայմանավորված է սոցցանցերում ՎիվաՍել-ՄՏՍ-ի բաժանորդների ինտենսիվ շփումներով, ինչպես նաև՝ OTT հավելվածների օգտագործման աճով