Մուտք

Invalid username or password

Մոռացե՞լ եք գաղտնաբառը

125 մլն դոլարի վրիպակ. որքան է ներմուծման իրական ցուցանիշը

Վերադարձ լուրերի բաժին

13:55 , 25 Մայիս 2016

Ինչպես արդեն տեղեկացրել էինք, այս տարվա առաջին 4 ամիսներին ՀՀ արտաքին առևտրաշրջանառությունը տպավորիչ աճ է գրանցել թե՛ արտահանման, թե՛ ներմուծման գծով։

Այսպես, 2016 թվականի հունվար-ապրիլին Հայաստանից արտահանման ծավալը նախորդ տարվա նույն ժամանակահատվածի նկատմամբ 21.7%-ով աճել է և հասել 512.6 մլն դոլարի։ Ներմուծումն աճել է 18.4%-ով և կազմել 1 մլրդ 156.7 մլն դոլար։

Սակայն ամենատպավորիչը ներմուծման ապրիլյան ցուցանիշն էր։ ԱՎԾ զեկույցի համաձայն՝ միայն ապրիլ ամսին ներմուծման ծավալը եղել է 455.5 մլն դոլար (219.3 մլրդ դրամ)։ Ապրիլին նման ցուցանիշ մենք երբենք չենք ունեցել. նախորդ տարի, օրինակ, այդ ցուցանիշը եղել է 204.1 մլն դրամ։ Քանի որ ըստ ապրանքների ներմուծման մանրամասն տվյալները ներկայացվեն չեն, սա ենթադրությունների հիմք դարձավ, որ հնարավոր է ապրիլին Ռուսաստանից Հայաստան է ներկրվել 200 մլն դոլարի զինտեխնիկան։

Սակայն պարզվում է՝ զինտեխնիկան այդտեղ կապ չունի, աճն իրականում այդքան չէ. դա պարզապես մեխանիկական սխալի արդյունք է։ Այդ մասին Armtimes.com-ին ասել է Պետեկամուտների կոմիտեի նախագահի տեղակալ Արմեն Ալավերդյանը։  «Վիճակագրությունը շուտով կտա դրա Ճշգրիտ պատասխանը: Խնդիրն այն է, որ վիճակագրական ցուցանիշների մեջ ճշգրտում տեղի չի ունեցել: Եվ, իմ տեղեկություններով, պարզապես երկու խոշոր կազմակերպություն սխալվել են եւ 30 մլն դրամի փոխարեն 30 մլրդ դրամ են հայտարարել: Իրականում այդքան ներմուծում չի եղել, որքան որ դա թվաբանական մեխանիկական սխալի հետեւանք է, ինչն էլ առաջիկայում կուղղվի»:

Եթե 2 կազմակերպություն են այդ սխալն արել, ստացվում է ներմուծման հայտարարված ծավալից պետք է հանել 60 մլրդ դրամ և ավելացնել 60 մլն դրամ։ Կստացվի՝ ապրիլին ներմուծվել է ոչ թե 455.5 մլն դոլարի, այլ դրանից 124.9 մլն դոլարով պակաս՝ 330.6 մլն դոլար (159.36 մլրդ դրամ)։

Հետևաբար, հունվար-ապրիլի ներմուծման ընդհանուր ծավալը պետք է լինի ոչ թե 1 մլրդ 156.7 մլն, այլ 1 մլրդ 31.8 մլն դոլար։ Դա ավելի ցածր է, քան 2010 թվականի հունվար-ապրիլի ցուցանիշը։

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]