Մուտք

Invalid username or password

Մոռացե՞լ եք գաղտնաբառը

Նոր առաջարկ երիտասարդներին՝ Կոնվերս Բանկից

Վերադարձ լուրերի բաժին

16:14 , 26 Փետրվար 2018

Կոնվերս Բանկը ընդլայնել է «Կերտիր քո վարկային պատմությունը» ակցիայի շահառուների շրջանակը և երկարաձգել ժամկետը: Այժմ դրա ընձեռած հնարավորություններից կարող են օգտվել Ուսանողական վարկավորման ծրագրում ներառված, որոշ ԲՈՒՀ-երի ուսանողներ, ինչպես նաև ԱՅԲ և Շիրակացի կրթահամալիրների 12-րդ դասարանի չափահաս աշակերտները և շրջանավարտները:

Այս ակցիայի շրջանակներում՝ մինչև մայիսի 31-ը, Կոնվերս Բանկի քարտերով 500 հազար և ավելի դրամի անկանխիկ գործարքներ կատարած շահառուներին գործող տոկոսադրույքից ցածր դրույքաչափով հիփոթեքային վարկի հնարավորություն կընձեռվի: Իսկ մինչև 400 հազար դրամ գումարով, 36 ամիս մարման ժամկետով և 15 տոկոս տարեկան դրույքաչափով վարկային սահմանաչափով MasterCard Standard պլաստիկ քարտ կտրամադրվի առանց սպասարկման վճարի: Ընդ որում, Բանկի կանխիկացման կետերում ու բանկոմատներում գումարի կանխիկացումից միջնորդավճար չի գանձվի:

«Կոնվերս Բանկը՝ ակցիայի շրջանակում հավելյալ հնարավորություններ է նախատեսել նաև կրթության գերազանց առաջադիմություն ունեցողների համար և նրանց է առաջարկում նվեր՝ Visa Classic կամ Master Standard քարտ՝ 150,000 ՀՀ դրամ մնացորդով»,-ասացին Կոնվերս Բանկում:

Նշվեց նաև, որ նախորդ տարի Կոնվերս Բանկը ներգրավված է եղել կրթական տարբեր նախաձեռնություններում: Մասնավորապես, մասնակցել է մի քանի դպրոցում Ֆինանսական գրագիտության դասավանդմանը, աջակցել է Շիրակացի կրթահամալիրում բնական գիտությունների լաբորատոր համալիրի ստեղծմանը, կրթաթոշակներ է սահմանել Էորնեկեան հանրակրթական դպրոցի սաների համար և այլն: Կրթության, կրթական ծրագրերի և օլիմպիադաների աջակցությունը ներառված է նաև Կոնվերս Բանկի 2018թ գործունեության ծրագրում:

Ակցիայի մանրամասներին և ԲՈՒՀ-երի ցանկին կարող եք ծանոթանալ հետևյալ հղմամբ։

ԱՄԵՆԱԿԱՐԴԱՑՎԱԾ ԼՈՒՐԵՐ

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: