Մուտք

Invalid username or password

Մոռացե՞լ եք գաղտնաբառը

Ֆրենկ Փալոնը խոստացել է «Google»-ի և «PayPal»-ի հետ քննարկել Հայաստանին առնչվող խնդիրները

Վերադարձ լուրերի բաժին

ՀՀ բարձր տեխնոլոգիական արդյունաբերության նախարար Հակոբ Արշակյանը հոկտեմբերի 4-ին ընդունել է ԱՄՆ կոնգրեսական, ԱՄՆ Կոնգրեսի հայկական հարցերով հանձնախմբի համանախագահ Ֆրենկ Փալոնին։

Բարձր տեխնոլոգիական արդյունաբերության նախարարության լրատվական ծառայությունը հայտնեց, որ նախարարը նշել է, թե բարձր է գնահատում Ֆրենկ Փալոնի գործունեությունը` ուղղված Հայոց ցեղասպանության ճանաչմանը, ցեղասպանությունների կանխարգելմանը, ինչպես նաև Արցախում ականազերծման աշխատանքների և այլ մարդասիրական ծրագրերի աջակցմանը։ Հակոբ Արշակյանը Ֆրենկ Փալոնի հետ խոսել է նաև նախարարության ծրագրերի և առաջնահերթությունների, ինչպես նաև վերջերս ԱՄՆ կատարած այցի որոշ մանրամասների և ձեռք բերված պայմանավորվածությունների մասին։

Ֆրենկ Փալոնը նշել է, որ քաջատեղյակ է հայերի տեխնոլոգիական ներուժի և տաղանդի մասին: Լինելով ԱՄՆ կոնգրեսի էներգիայի և առևտրի կոմիտեի նախագահը՝ կարևորել է երկկողմ հանդիպումը ՀՀ բարձր տեխնոլոգիական արդյունաբերության նախարար Հակոբ Արշակյանի հետ: Կոնգրեսականն առաջարկել է ներկայացնել տեղեկատվություն այն ծրագրերի վերաբերյալ, որոնք նախարարությանը կհետաքրքրի երկու երկրների միջև տեխնոլոգիական ոլորտի համագործակցությունն առաջ մղելու համար։

Հակոբ Արշակյանն անդրադարձել է ԱՄՆ տեխնոլոգիաների արտահանման վերահսկողության համակարգում Հայաստանի նկատմամբ կիրառվող սահմանափակումների վերացման հնարավորությանը՝ հաշվի առնելով ամերիկյան մի շարք ընկերությունների առկայությունը Հայաստանում, ինչպես նաև հայ-ամերիկյան բարեկամական հարաբերությունները։

Hakob_Arshakyan_Frank_Palone

Նախարարը Ֆրենկ Փալոնին է ներկայացրել նաև «Google maps»-ի անճշտությունները Հայաստանի և Արցախի տարածքում, «Youtube»-ի որոշ ֆունկցիաների անհասանելիությանը, «Paypal»-ի՝ Հայաստանում լիարժեք կիրառելիությանն առնչվող մի շարք հարցեր՝ հաշվի առնելով, որ կոնգրեսականն ի պաշտոնե ինտենսիվ շփումներ ունի նշված կորպորացիաների ղեկավարության հետ: Ամերիկացի կոնգրեսականը խոստացել է աջակցել բարձրացված խնդիրների հարցում և քննարկել առաջադրված հարցերը «Google» և «PayPal» ընկերությունների հետ:

ԱՄԵՆԱԿԱՐԴԱՑՎԱԾ ԼՈՒՐԵՐ

ՀՀ կենտրոնական բանկի նախագահը մասնակցելու է ԱՄՀ և ՀԲ աշնանային նստաշրջանին

Միջոցառման շրջանակում նախատեսված են Արթուր Ջավադյանի աշխատանքային քննարկումները Եվրոպական ներդրումային բանկի, գերմանական KfW բանկի, ՄՈւԴԻԶ վարկանշային կազմակերպության և միջազգային այլ ֆինանսական կառույցների ղեկավարների հետ:

Եվրամիության եւ Մեծ Բրիտանիայի բանակցորդները համաձայնության են հասել Brexit- ի վերաբերյալ

Այդ մասին հայտնել է Եվրահանձնաժողովի ղեկավար Ժան-Կլոդ Յունկերը:

15-10-19: Ամերիկյան ինդեքսներն աճել են

Ներկայացված են ԱՄՆ ֆոնդային բորսաների հոկտեմբերի 15-ի առևտրային նստաշրջանների արդյունքները: