Մուտք

Invalid username or password

Մոռացե՞լ եք գաղտնաբառը

Ֆրանսիական MDP CONSULTING-ը հետաքրքրված է Ծաղկաձորում զբոսաշրջային ենթակառուցվածքների զարգացման հնարավորություններով

Վերադարձ լուրերի բաժին

Խորագրեր

Պաշտոնական

21:21 , 24 Օգոստոս 2016

Օգոստոսի 24-ին ՀՀ էկոնոմիկայի նախարարի առաջին տեղակալ Գարեգին Մելքոնյանը հանդիպել է ֆրանսիական MDP CONSULTING ընկերության նախագահ Պասկալ Ռուի հետ:

Հանդիպմանը քննարկվել են զբոսաշրջության ոլորտում համագործակցության հնարավորությունները:

Ֆրանսիական ընկերության նախագահը հակիրճ ներկայացրել է ընկերության գործունեությունը, խոսել Հայաստան ճանաչողական այցի իր տպավորություններից և, մասնավորապես, անդրադարձել Ծաղկաձորում զբոսաշրջային ենթակառուցվածքների զարգացման ուղղությամբ իր ընկերության հետաքրքրվածությանը:

Պասկալ Ռուն նշել է զբոսաշրջության բնագավառում ենթակառուցվածքների զարգացման, երկրի զբոսաշրջային առավելությունները ճիշտ օգտագործելու անհրաժեշտության մասին:

Գարեգին Մելքոնյանը գոհունակություն է հայտնել Հայաստան նման ընկերության հնարավոր մուտքի առնչությամբ, նշելով հայկական կողմի համագործակցության հարթակ ձևավորելու պատրաստակամությունը:

Նա նաև հրավիրել է Պասկալ Ռուին` մասնակցելու հոկտեմբերին Նյու Յորքում կայանալիք «Հայաստան.ներդրումային համաժողով» մասշտաբային միջոցառմանը, ինչը հնարավորություն կտա և’ առավել մանրամասն ծանոթանալու Հայաստանի ներդրումային գրավչությանը, մասնավորապես զբոսաշրջության ոլորտում, և’ ներկայացնելու Հայաստանում ֆրանսիական ընկերության կողմից նախատեսվող ծրագրերը` նոր գործընկերներ և դոնորներ գտնելու համար:

Հանդիպման ավարտին կողմերը ևս մեկ անգամ հավաստել են համագործակցության պատրաստակամությունը:

ԱՄԵՆԱԿԱՐԴԱՑՎԱԾ ԼՈՒՐԵՐ

ՏԵՍԱՆՅՈՒԹ: Կառավարությունում քննարկվել են «Հայաստանի պետական հետաքրքրությունների ֆոնդ»-ի գործունեության ուղղությունները

Կառավարության ղեկավարը նշել է, որ «Հայաստանի պետական հետաքրքրությունների ֆոնդ»-ը պետք է իրականացնի հետևյալ 4 գործառույթները՝ պետական ակտիվների կառավարում, պատրաստի ներդրումային փաթեթի ձևավորում, փաթեթների հիման վրա ներդրողների հետ աշխատանք (փնտրել/առաջարկել/ներկայացնել), ինչպես նաև պոտենցիալ ներդրողի մոտ և՛ գաղափարի, և՛ գումարի առկայության պարագայում ներդրողի համար կոնսիերժի/խորհրդատուի գործառույթի իրականացում:

ՏԵՍԱՆՅՈՒԹ: Վարչապետն ընդունել է «Ամբեր Կապիտալ» ընկերության ներկայացուցիչներին

Ջոզեֆ Ուղուրլյանը նշել է, որ «Ամբեր Կապիտալը» շահագրգռված է Հայաստանում ակտիվ գործունեություն ծավալելու հարցում և պատրաստ է փոխշահավետ գործակցության: