Մուտք

Invalid username or password

Մոռացե՞լ եք գաղտնաբառը

Ֆինանսական հաշտարարին ամենից շատ բողոքում են ապահովագրական ընկերություններից

Վերադարձ լուրերի բաժին

23:01 , 24 Հունվար 2017

2016 թվականին Ֆինանսական համակարգի հաշտարարի գրասենյակ են ներկայացվել 4 հազար 735 բողոք, որոնցից 4 հազար 118-ը վերաբերում էին ֆինանսական համակարգին, նախորդ տարվա համեմատ բողոքներն աճել են 26 տոկոսով:

«Արմենպրես»-ի հաղորդմամբ`այս մասին հունվարի 24-ին Գրասենյակի գործունեության 8-ամյակի օրը, պատմեց Ֆինանսական համակարգի հաշտարար Փիրուզ Սարգսյանը: Նրա ներկայացմամբ` Գրասենյակի կողմից 2016 թվականին քննության է ընդունվել թվով 1 հազար 523 պահանջ, ինչը 5.18 տոկոսով գերազանցում է 2015 թվականի, համապատասխան ցուցանիշը: Փիրուզ Սարգսյանն ընդգծեց, որ իրենց դիմողների խնդիրները բազմաթիվ ու բազմազան են, որոնք պայմանավորված են թե՛ ապահովագրական ավանդային պայմանագրերի, թե՛ վարկային գործառնությունների, թե՛ վճարահաշվարկային ծառայությունների մատուցման և թե՛ քարտային զեղծարարությունների հետ:

«Պահանջների քննության արդյունքում գործերի 79.13 տոկոսը լուծվել է հօգուտ հաճախորդի` քննության ընդունված 1,523 պահանջից 228-ը, 16.01.2017թ. դրությամբ, դեռևս գտնվում են քննության փուլում: Ընդ որում, դրական ելքով գործերի 57.37%-ը լուծվել է ֆինանսական կազմակերպության հետ հաշտության գալու միջոցով: Հաշտարարի միջնորդությամբ հաճախորդներին ֆինանսական կազմակերպությունների կողմից հատուցվել է 157 մլն 268 հազար 591 ՀՀ դրամ գումար»,- ասաց նա:

Փիրուզ Սարգսյանը նաև նշեց, որ քննության ընդունված 1 հազար 523 գրավոր պահանջներից 1 հազար 248-ը ուղղված են եղել ապահովագրական ընկերությունների, 232-ը` բանկերի, 18-ը` Ավտոապահովագրողների բյուրոյի, 19-ը` վարկային կազմակերպությունների, իսկ 6-ն այլ կազմակերպությունների դեմ:

«Ապահովագրական շուկայում գործարքների հետ կապված խնդիրներն ամենամեծ տեսակարար կշիռն են կազմում` բողոքների մոտ 70 տոկոսը, որոնք պայմանավորված են վնասի չափի հետ անհամապատասխանությամբ, չհատուցման դեպքերով, ռեգրեսի հետ անհամաձայնություններով: Այս տարի ավելի շատ, քան նախորդ տարիներին բողոքներ ունենք վարկային կազմակերպությունների դեմ, որոնք պայմանավորված են վարկային գործառնություններով: Բողոքների շատ լինելը, կարծում եմ, կապված է մարդկանց մոտ իրազեկվածության ավելի բարձր մակարդակով»,- նշեց Սարգսյանը:

24.01.2009-16.01.2017թթ. Գրասենյակ ներկայացված բողոքներն ու գրավոր պահանջները կազմել են 18 հազար 310, որոնցից քննության ընդունած պահանջները` 5 հազար 768: Պահանջների քննության ընթացքում հատուցված գումարը կազմել է 1 մլրդ 6 մլն 916 հազար 484 ՀՀ դրամ: Հօգուտ հաճախորդի գործերի ելքը 72 տոկոս է:  

ԱՄԵՆԱԿԱՐԴԱՑՎԱԾ ԼՈՒՐԵՐ

Վերջին տարիներին առաջին անգամ մայիսին օդանավով Հայաստան ժամանածներն ավելի շատ են եղել մեկնածներից

2018 թվականի մայիսին օդային ճանապարհով Հայաստան է ժամանել 110 390 մարդ, մեկնել՝ 107 225 մարդ։

ՏԵՍԱՆՅՈՒԹ. Բրոնոզյանի փորձագետներն այցելել են Ամուլսար և փոխել կարծիքը շատ հարցերի շուրջ

«Լիդիան Արմենիա» ընկերությունը հյուրընկալեց Հ․Բրոնոզյանին և նրա պատվերով Ամուլսարի ծրագրի փաստաթղթերի հիման վրա հետազոտություն կատարած արտասահմանյան փորձագետներին

Հայաստանն ու Չինաստանը գրանցել են առևտրաշրջանառության ավելի քան 40 տոկոսի աճ. ՀՀ առևտրային կցորդի հարցազրույցը

Հրանտ Աբաջյանը մեր երկրի տնտեսական ներուժը ներկայացնող «Հայաստան՝ դարպաս դեպի խոշոր շուկաներ» խորագրով շնորհանդեսով է հանդես եկել։