Մուտք

Invalid username or password

Մոռացե՞լ եք գաղտնաբառը

«Ֆինանսական գրագիտություն և հմտություններ» խորագրով հանրային միջոցառումների շարք՝ հայաստանի բանկերի միության նախաձեռնությամբ

Վերադարձ լուրերի բաժին

18:03 , 23 Օգոստոս 2019

Հայաստանի բանկերի միության նախաձեռնությամբ մեկնարկել է «Ֆինանսական գրագիտություն և հմտություններ» խորագրով հանրային միջոցառումների ծրագիրը` հիմքում ունենալով Հայաստանի Հանրապետության Ֆինանսական կրթման ազգային ռազմավարության դրույթները:

Հայաստանի բանկերի միությունը ծրագիրն իրականացնում է ՀՀ առևտրային բանկերի և մի շարք գործընկեր կազմակերպությունների հետ համագործակցությամբ: Հիշյալ ծրագիրը ներկայացնելու և հասարակության առավել լայն շերտեր ներգրավելու նպատակով հրավիրված մամուլի ասուլիսի շրջանակներում ՀԲՄ նախագահ Ա. Հանեսյանն ու ՀԲՄ գործադիր տնօրեն Ս. Սարգսյանը անդրադարձ են կատարել այս նախաձեռնության նպատակային շեշտադրումներին, ինչպես նաև նախատեսվող միջոցառումների բովանդակային ուղղություններին:

ՀԲՄ նախագահ Ա. Հանեսյանը կարևորելով հասարակության ֆինանսական գրագիտության բարձրացմանն ուղղված աշխատանքը՝ նշել է. «Այս ասպարեզում իրականացվող գործընթացները մեծապես նպաստում են ֆինանսական համակարգում խնդրահարույց իրավիճակների նվազեցմանը, հաճախորդների ու բանկային համակարգի իրավահարաբերությունների առավել բարելավմանը: Եվ համապատասխան գիտելիքները, հատկապես, անհրաժեշտ են անձնական ֆինանսների կառավարման գործում ճիշտ որոշումներ կայացնելու և բարեկեցություն ապահովելու համար»:

ՀԲՄ գործադիր տնօրեն Ս. Սարգսյանն ընդգծել է. «ֆինանսներն, առհասարակ, օգնում են հասնակալ, թե ինչպիսի նպատակներ կարելի է իրականացնել, իսկ ֆինանսական գրագիտությունն օգնում է ավելի արագ իրականացնել նպատակները՝ ֆինանսներն արդյունավետ կառավարելու շնորհիվ»:

Հանրային միջոցառումների ծրագրում ներառված երկու կարևորագույն ձեռնարկներ արդեն իսկ իրականացվել են: Հայաստանի բանկերի միությունը և տնտեսական լրագրողների ակումբը կազմակերպել են լրագրողական երկամսյա սեմինարների շարք, ինչպես նաև կազմակերպվել է Արցախի տարբեր շրջանների երեխաների ամառային հանգիստը Լոռու մարզում, որն ուղեկցվել է ֆինանսական գրագիտությանն ուղղված տարաբնույթ նախաձեռնություններով:

Հայաստանի բանկերի միության նախաձեռնությամբ մեկնարկած «Ֆինանսական գրագիտություն և հմտություններ» խորագրով ծրագրի հիմնական միջոցառումները նախատեսված են աշնան ամիսներին ու ընդգրկելու են ակցիաներ՝ ֆինանսական դասընթացներ, «Բաց դռների օր» նախաձեռնություն բանկային մասնաճյուղերում, «Ապագայի բանկն՝ իմ պատկերացմամբ» խորագրով շարադրությունների և տեսահոլովակների, ինչպես նաև «Բիզնես-պլանի կազմում» թեմայով մրցույթներ և այլն:

Նախատեսվում է իրականցնել նաև «Խնայողությունների համաշխարհային օր» հանրային ընդգրկուն քարոզարշավ, ունենալ Ֆինանսական գրագիտության վերաբերյալ բազմաթիվ միջոցառումներ: Ծրագրի ավարտին կազմակերպվելու է «Տարվա լավագույն տնտեսական հրապարակում» խորագրով մրցանակաբաշխություն և Բանկային աշխատողի օրվա շրջանակներում մրցանակների հանձնում տարվա ընթացքում ֆինանսա-բանկային և տնտեսական թեմաներով լավագույն վերլուծական հրապարակումների հեղինակ տնտեսական լրագրողներին: ՀԲՄ նախագահ Ա. Հանեսյանն ու ՀԲՄ գործադիր տնօրեն Ս. Սարգսյանը նաև հավաստել են, որ ներկայացված ծրագիրը լինելու է շարունակական և հետագա տարիներին ունենալու է առավել ընդգրկուն միջոցառումներ:

ԱՄԵՆԱԿԱՐԴԱՑՎԱԾ ԼՈՒՐԵՐ

Ucom ընկերությունը հերքում է իր աշխատակիցներին քաղաքական որևէ ուժին սատարել ստիպելու մասին լուրերը

Ընկերություն ընդունվելիս աշխատակցի առջև դրվող միակ պայմանը արհեստավարժությունն է և Ընկերության արժեքներին հավատարիմ լինելը։

UCOM-ն առաջարկում է ձեռք բերել Alcatel 1S սմարթֆոնն ու նվեր ստանալ TWS Hiper Oki ականջակալներ

Ucom ընկերությունն առաջարկում է ձեռք բերել 2021թվականի արտադրության Alcatel 1S սմարթֆոնն ամսական ընդամենը 2000 դրամով և ստանալ նվեր` TWS Hiper Oki վարդագույն և կապույտ անլար ականջակալներից մեկը:

ՎՏԲ-Հայաստան Բանկը մեկնարկում է վարկավորման ծրագիր՝ ՀՀ կառավարության  19-րդ միջոցառման շրջանակներում

ՎՏԲ-Հայաստան Բանկը՝ ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ COVID19-ի տնտեսական հետևանքների չեզոքացման ՀՀ կառավարության 19-րդ միջոցառման շրջանակներում, հայտարարում է փոքր բիզնեսի վարկավորման և այս սեգմենտի հաճախորդների բիզնես-ծրագրերին օժանդակություն ցուցաբերելու մասին: