Մուտք

Invalid username or password

Մոռացե՞լ եք գաղտնաբառը

Ֆիզիկոս Յուրի Օգանեսյանը և Իլոն Մասկը՝ միջազգային «Գլոբալ էներգիա» մրցանակի հավակնորդների թվում

Վերադարձ լուրերի բաժին

Հեղինակ

B4B.am

Խորագրեր

Աշխարհ

11:09 , 31 Մարտ 2017

Ֆիզմաթ գիտությունների դոկտոր, պրոֆեսոր, Ռուսաստանի գիտությունների ակադեմիայի ակադեմիկոս, Մենդելեևի պարբերական աղյուսակի 118-րդ տարրը (Oganesson) հայտնաբերած Յուրի Օգանեսյանի անունն ընդգրկվել է միջազգային «Գլոբալ էներգիա» էներգետիկ մրցանակի հավակնորդների շորթ-լիստում: Մրցանակը շնորհվում է էներգետիկայի ոլորտում գիտական ակնառու ուսումնասիրությունների և հայտնագործությունների համար:

Շորթ-լիստում ներառվել են Ավստրալիայի, Մեծ Բրիտանիայի, Գերմանիայի, Իսպանիայի, Ռուսաստանի, ԱՄՆ-ի և Շվեյցարիայի ներկայացուցիչներ:

Ապրիլի 6-ին հայտնի կդառնան նոր դափնեկիրների անունները, մրցանակաբաշխությունը տեղի կունենա Սանկտ Պետերբուրգի միջազգային տնտեսական համաժողովի ժամանակ, որը կանցկացվի հունիսի 1-3-ը:

Ավանդաբար, մրցանակը դափնեկիրներին հանձնում է Ռուսաստանի նախագահը: Մրցանակային ֆոնդը կազմում է 39 մլն ռուբլի:

Բացի Օգանեսյանից՝ մրցանակի հավակնորդների թվում են նաև SpaceX և Tesla Motors-ի ղեկավար Իլոն Մասկը, գիտնականներ Դարենդրա Յոգի Գոսվամին (ԱՄՆ), Միխայել Գրետցելը (Շվեյցարիա), Իգոր Գրեծովը (ՌԴ), Մարտին Գրինը (Ավստրալիա), Մատեո Կորտեսը (Իսպանիա), Վիկտոր Օռլովը (ՌԴ), Հենրի Սնեյթը (Մեծ Բրիտանիա) և Հանս Յոահիմ Շելլնհուբերը (Գերմանիա):

Օգանեսյանի աշխատանքները հիմնականում փորձարարական միջուկային ֆիզիկայից են, նաև՝ գերծանր քիմիական տարրերի սինթեզումից։

Գիտնականը ՀՀ գիտությունների ակադեմիայի արտասահմանյան անդամ է, ԵՊՀ պատվավոր դոկտոր: Նա մեծ ավանդ ունի ՀՀ գիտական կազմակերպությունների և Միջուկային հետազոտությունների միացյալ ինստիտուտի միջև համագործակցության զարգացման գործում:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանն այլևս ԵՄ օֆշորային ցուցակում չէ

Եվրամիության խորհուրդը բարձր է գնահատել մեր երկրի հարկային բարեփոխումները և Հայաստանը բացառել է ցուցակից:

Իլոն Մասկը հորդորում է լքել Ֆեյսբուքը

Տեսլայի հիմնադիր-սեփականատեր միլիարդատիրոջ կարծիքով՝ Ֆեյսբուքն արդեն հնացած պատմություն է: