Մուտք

Invalid username or password

Մոռացե՞լ եք գաղտնաբառը

Օտարերկրյա ներդրումները 2017 թվականին զգալիորեն նվազել են. ԱՎԾ տվյալներ

Վերադարձ լուրերի բաժին

14:06 , 30 Մարտ 2018

ՀՀ Ազգային վիճակագրական ծառայությունը հրապարակել է Հայաստանի օտարերկրյա ներդրումների վիճակագրությունը 2016-2017 թվականների համար։

Նշենք, որ այս տվյալները ԱՎԾ-ն հրապարակում է տարեկան կտրվածքով և դրանք հիմնված են Կենտրոնական բանկի կողմից հաշվառվող վճարային հաշվեկշռի վրա։

Այսպես, ընդամենը ներդրումների ծավալը 2017 թվականի հունվար-դեկտեմբերին կազմել է 404.2 մլն դոլար՝ 2016 թվականի 1 մլրդ 216.5 մլն դոլարի դիմաց։ Ընդամենը ներդրումների ծավալը նվազել է 812.3 մլն դոլարով կամ 3 անգամ։

Օտարերկրյա ուղղակի ներդրումները նվազել են 92.4 մլն դոլարով կամ 27.3%-ով՝ կազմելով 245.7 մլն դոլար։ Նշենք, որ միջազգային համեմատություններում օտարերկրյա ուղղակի ներդրումներ ասելիս հենց այս ցուցանիշը նկատի ունեն։ Օրինակ, Համաշխարհային բանկի տվյալների բազաներում այս թիվը կարող եք գտնել Foreign direct investment, net inflows (BoP, current US$) ցուցանիշի տակ։ Իսկ ՀՀ վճարային հաշվեկշռում այն ձևակերպված է որպես ֆինանսական պարտավորությունների զուտ ստանձնում։

Պորտֆելային ներդրումները նվազել են 113.7 մլն դոլարով և ներհոսքի թիվը բացասական է՝ -56.8 մլն դոլար։

Այլ ներդրումները նույնպես մի քանի անգամ նվազել են՝ 821.4 մլն դոլարից հասնելով 215.3 մլն դոլարի։

FDI1

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի տնտեսության աճը կրկին արագացել է. ԵԱԶԲ

Հայաստանի տնտեսության աճը կրկին արագացել է, 2018 թ. օգոստոս-սեպտեմբեր ամիսների դադարից հետո:

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն

2012 թ.-ից ի վեր ֆինանսական համակարգի կայունությունն ամրապնդվել է, ինչին նպաստել են ՀՀ կենտրոնական բանկի կողմից ձեռնարկած մի շարք միջոցառումներ։

Առաջին դեմքերի բանավեճը Հանրայինի եթերում (տեսանյութ)

Հանրային հեռուստաընկերության ուղիղ եթերում այժմ ընթանում է նախընտրական բանավեճ՝ ընտրություններին մասնակցող քաղաքական ուժերի առաջին դեմքերի մասնակցությամբ: