Մուտք

Invalid username or password

Մոռացե՞լ եք գաղտնաբառը

Քննարկում գնումների համակարգի վերաբերյալ

Վերադարձ լուրերի բաժին

19:36 , 29 Ապրիլ 2019

ՀՀ ֆինանսների նախարարությունում «Առաջատար տեխնոլոգիաների ձեռնարկությունների միության» (ԱՏՁՄ) ներկայացուցիչների հետ տեղի է ունեցել գնումների համակարգի վերաբերյալ քննարկում։ Կողմերն անդրադարձել են տեղեկատվական տեխնոլոգիաների և ռազմաարդյունաբերության ոլորտի գնումներին, ՏՏ ստանդարտի մշակման պետական քաղաքականությանը, մրցույթների տեխնիկական բնութագրերին և այլ հարցերի: Հանդիպման ընթացքում քննարկվել են նաև տեղեկատվական տեխնոլոգիաների և ռազմարդյունաբերության գնումների մասով ԱՏՁՄ ներկայացրած առաջարկությունները։ Այդ մասին b4b.am-ը տեղեկացավ նախարարության մամուլի բաժնից:

Կարեն Բրուտյանը շնորհակալություն է հայտնել ՀԿ-ի ներկայացուցիչներին նախարարության՝ գնումների բնագավառում առկա բացերը վերհանելու առաջարկին արձագանքելու և ոլորտին վերաբերող մանրամասն ու արժեքավոր առաջարկներ ներկայացնելու համար։ Նա նշել է, որ պետությունը, որպես գնորդ, կոնկրետ խնդիր է լուծում՝ արժեք փողի դիմաց․ «Այսինքն՝ պետությունը, հանդես գալով որպես գնորդ, պետք է տեղի ունեցող գործարքների արդյունքում ստանա համարժեք ապրանքներ, աշխատանքներ և ծառայություններ»։ Բրուտյանի խոսքով՝ Հայաստանն ԱՀԿ-ի պետական գնումների համաձայնագրի անդամ երկիր է, ինչը տեսականորեն նշանակում է, որ գործող կագավորումները համապատասխանում են միջազգային լավագույն փորձին։ «Դա շատ լավ է, սակայն ոչ բավարար: Որպեսզի համապատասխանությունն անվանական չլինի, մենք պետք է իրականության մեջ ապահովենք գնման գործարքների արդյունավետությունը, օգտավետությունը և խնայողաբար լինելը», – շեշտել է Բրուտյանը։

Ըստ նախարարի առաջին տեղակալի՝ նախանշված խնդիրը լուծելու համար համակարգը պետք է մշտապես արդիական լինի՝ ժամանակի և իրականության պահանջներին արձագանքող, ուստի պետք է պարբերաբար բացահայտել առկա խնդիրները և դրանց տալ համարժեք լուծումներ։

ԱՏՁՄ գործադիր տնօրեն Կարեն Վարդանյանի խոսքով՝ առաջարկները հիմնված են վերջին տարիների ընթացքում առկա խնդիրների ուսումնասիրությունների վրա: «Մեզ մասնավորապես անհանգստացնում է ոչ միայն գնումների գործընթացը, այլ էլեկտրոնային գնումների ընթացքում ՀՀ քաղաքացիների բիոմետրիկ տվյալների անվտագության ապահովումը և առհասարակ ազգային անվտանգության խնդիրները։ Հատկապես կարևորում ենք էլեկտրոնային կառավարման հետ կապված գնումները։ Մեր հանդիպումն ու համագործակցությունը կարող են արդյունավետ լինել՝ հատկապես հաշվի առնելով մեր փորձը պետական մարմինների հետ համագործակցության օրինակով: 2009 թվականից ի վեր Միության և մաքսային ու հարկային մարմինների հետ համատեղ աշխատանքային խմբի գործունեությունը», – նշել է Կ. Վարդանյանը:

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը: