Մուտք

Invalid username or password

Մոռացե՞լ եք գաղտնաբառը

Քանի հայ է այցելում Թուրքիա ամեն տարի (ինֆոգրաֆիկա)

Վերադարձ լուրերի բաժին
EXCLUSIVE

19:06 , 13 Հուլիս 2016

Ընդհանրապես, տարեկան քանի՞ հայ զբոսաշրջիկ է ընդունում Թուրքիան։

Այս հարցի պատասխանը, որը շատերին կարող է հետաքրքրել, տալիս է հենց թուրքական վիճակագրությունը։ Այդ երկրի մշակույթի և զբոսաշրջության նախարարության տվյալների համաձայն՝ ՀՀ-ից Թուրքիա զբոսաշրջիկների հոսքը 1998 թվականից ի վեր կայուն կերպով աճել է` հատուկենտ շեղումներով:

Դա երևում է այս գծապատկերից, որտեղ ներկայացված է 1998-2015թթ. Թուրքիա այցելած ՀՀ քաղաքացիների թիվը՝ տարեկան կտրվածքով։

1998 թվականին Թուրքիան ընդունել է 15984 զբոսաշրջիկ։ 2001 թվականին հոսքը կտրուկ նվազել է` մինչև 7064 մարդ, որից հետո շարունակել է աճել։

Պիկը գրանցվել է 2011-2013թթ. ժամանակահատվածում` տարեկան ավելի քան 70 000 ՀՀ քաղաքացի է այցելել Թուրքիա։ 2013 թվականին այդ ցուցանիշը եղել է ռեկորդային 73365 մարդ։

 

2014 թվականին Հայաստանից Թուրքիա այցելողների թիվը նվազել է 6,1%-ով և հասել 67198-ի։ Իսկ 2015-ին գրանցվել է կտրուկ անկում` 27.8%-ով կամ 18676 մարդով (հասնելով 48522-ի)։ Չի բացառվում, որ այս նվազումը պայմանավորված է Հայոց ցեղասպանության 100-ամյա տարելիցով։ Ընդհանուր առմամբ, 2015 թվականին ԱՊՀ երկրներից Թուրքիան ընդունել է ավելի քան 8.1 մլն զբոսաշրջիկներ, որից 3.6 մլն-ը՝ Ռուսաստանից։ Հայաստանի տեսակարար կշիռը 2015-ին եղել է 0,6%։ Տուրիստների ամենամեծ աղբյուրը (ավելի քան 3,6 մլն մարդ կամ 44.8%) Թուրքիայի համար անցած տարի եղել է Ռուսաստանը: Սակայն ռուս-թուրքական հարաբերությունների սրման և ՌԴ զբոսաշրջիկների՝ Թուրքիա այցելելու սահմանափակումների ներմուծման հետևանքով զբոսաշրջիկների ներհոսքը զգալիորեն նվազել է։ 2016 թվականի հունվար-մայիսին ՌԴ-ից Թուրքիա է ժամանել 138.2 հազար մարդ՝ նախորդ տարվա նույն ժամանակահատվածի 802 հազարի դիմաց։    

Իսկ ինչպիսին է պատկերն այս տարի։ 2016 թվականի հունվար-մայիսին Հայաստանից Թուրքիա այցելել է 12445 զբոսաշրջիկ` նախորդ տարվա նույն ժամանակահատվածի 14270-ի դիմաց։

Հոսքը, ինչպես տեսնում եք, նվազել է, սակայն ոչ այնքան, որքան 2014/2015-ի պարագայում։ Ամեն դեպքում, եթե անկման այս տեմպը շարունակվի (10-12%-ով), ապա 2016-ի արդյունքներով Հայաստանից Թուրքիա այցելող զբոսաշրջիկների թիվը չի գերազանցի 44 հազարը։

ԱՄԵՆԱԿԱՐԴԱՑՎԱԾ ԼՈՒՐԵՐ

Կենսաթոշակային հեղափոխություն. Քայլ առաջին

Տնտեսագետ, ՀՀ վարչապետի խորհրդական Մեսրոպ Առաքելյանի հոդվածը՝ նվազագույն կենսաթոշակը 25.5 հազար դրամ սահմանելու նախաձեռնության մասին։

Քոչարյանական  «աճի» առասպելը. Տնտեսագիտության դոկտոր Աշոտ Մարկոսյանի վերլուծությունը

Տնտեսագետ ԱՇՈՏ ՄԱՐԿՈՍՅԱՆԸ B4B.am-ին է տրամադրել իր կատարած վերլուծությունը, որը վերաբերում է ՀՀ երկրորդ նախագահ Ռոբերտ Քոչարյանի կառավարման տարիներին գրանցված ու այդքան գովերգվող երկնիշ աճին

Օնլայն հարցման մասնակիցների 63%-ը գոհ է կառավարության գործունեությունից

B4B.am կայքում շարունակվում է օնլայն հարցումը, որով առաջարկում էինք գնահատել ամբողջ կառավարությանը և առանձին պաշտոնյաներին՝ 2.5 ամիսների գործունեության արդյունքներով։